Diproverbia 19:17 - BIBELE

¹⁷ Ya hauhelang bafumanehi o adima Morena, seo a faneng ka sona Morena o tla mmuseletsa sona.

Sesotho 1909/1961 (SO)

¹⁷ Ya hauhelang mofumanehi o adimela Jehova, Jehova o tla putsa ketso tsa hae.

Diproverbia 19:17 ပူးပေါင်းရင်းမြစ်များ

2 Samuele 12:6

a be a lefe konyana eo ka tse nne, hobane a hlokile mohau, a entse ntho ena e mpe.”

Dipesaleme 41:2

Ho lehlohonolo ya hlokomelang mofutsana; Morena o tla mo lopolla, a mo lopolle mohla tsatsi la tlokotsi.

Dipesaleme 72:13

Ya fokolang le ya hlokang o tla ba utlwela bohloko, a pholose bophelo ba mafutsana.

Diproverbia 12:14

Motho e mong o atlehiswa ke dipuo tsa hae, athe e mong o putswa ho ya ka mesebetsi ya hae.

Diproverbia 14:21

Ya nyedisang ya ahisaneng le yena o etsa sebe, empa ho lehlohonolo ya hauhelang mofutsana.

Diproverbia 14:31

Ya hatellang mofutsana o nyedisa Mmopi wa hae, empa ya mo hauhelang yena o tlotla Modimo.

Diproverbia 22:9

Motho ya fanang a thabile o tla hlohonolofatswa, hobane yena o fepa mafutsana.

Diproverbia 28:27

Ya fanang ho mafutsana ha ho seo a ka se hlokang; ya sa a natseng ka letho o tla rohakwa ke ba bangata.

Diproverbia 28:8

Ya atisang ruo la hae ka ho le tswadisa, a le atise le ka ho hanyapetsa, o le bokellela ya tla hauhela mafutsana.

Moeklesia 11:1

Lahlela bohobe ba hao hodima metsi, hobane kamoso o tla bo fumana.

Moeklesia 11:2

Bo abele ba supileng kapa ba robedi kaha tsietsi tsa lefatshe o ke ke be wa di tseba.

Mattheu 25:40

“Kgosi e tla ba araba, e re: ‘Ruri ke a le bolella, seo le se etseditseng e mong wa bao ba banyenyane ho bana beso, le se etseditse nna.’

Luka 6:38

fanang, mme le tla fuwa: mekotlaneng ya lona le tla tshellwa haholo, e hlohlwe, e hlokohlwe, e sasamale, hobane le tla lekanyetswa ka tekanyo eo le lekanyang ka yona.”

Deuteronoma 24:19

“Ha o hela koro ya hao tshimong ya hao, eba o lebala ngata hara tshimo, o se ke wa kgutlela hape ho ya e lata. E tla ba ya mojaki, kapa ya kgutsana, kapa ya mohlolohadi, e le hore Morena Modimo wa hao, a tle a o hlohonolofatse mosebetsing wohle oo o o etsang.

BaFilipi 4:17

Hase hobane ke batla dimpho, empa seo ke se batlang ke hore mosebetsi wa lona o behe ditholwana.

BaHebheru 6:10

Modimo ha a hloke toka hoo a ka lebalang mosebetsi wa lona, le lerato leo le le bontshitseng ho yena ka ho sebeletsa badumedi, bao le sa ntseng le ba sebeletsa le jwale.