Diproverbia 19:13 - BIBELE

¹³ Mora ya sethoto o tlisetsa ntatae koduwa, komang tsa mosadi di ka metsi a rothang, ho ya ho ile ha pula e na.

Sesotho 1909/1961 (SO)

¹³ Ngwana ya lehlaswa ke tlokotsi ho ntatae, empa mosadi wa dikomang ke metsi a sa kgaotseng ho rotha dintshing tsa ntlo.

Diproverbia 19:13 ပူးပေါင်းရင်းမြစ်များ

Jobo 14:19

jwalokaha metsi a kutlula majwe, phororo le tsona di baka kgoholedi mobung, le wena tshepo ya motho o e fedisa jwalo!

Diproverbia 10:1

Ana ke maele a Solomone: Ngwana ya bohlale o thabisa ntatae, ngwana ya sethoto ke masisapelo ho mmae.

Diproverbia 15:20

Ngwana ya bohlale o thabisa ntatae, empa sethoto sona se nyedisa le mma sona.

Diproverbia 17:17

Motswalle o na le lerato kamehla, ngwanabo motho o tswaletswe ho thusa, ho thusa mohla tsatsi la ditsietsi.

Diproverbia 17:21

Ya tswalang sethoto o itswalla ditsietsi, ntata sethoto o hloka thabo.

Diproverbia 17:25

Mora ya sethoto o tlisa masisapelo ho ntatae, bohloko ba pelo ya mmae bo baba seka leshokgwa.

Diproverbia 21:19

Ho molemo ho iphelela hara lehwatata, ho ena le ho phela le nkwapo, mmadikomang.

Diproverbia 21:9

Ho molemo ho iphelela sekgutlwaneng, kahodima marulelo a ntlo, ho ena le ho phela le mmadikomang, ho phela le yena ka tlung e le nngwe.

Diproverbia 25:24

Ho molemo ho iphelela sekgutlwaneng kahodima marulelo a ntlo, ho ena le ho phela le mmadikomang.

Diproverbia 27:15

Metsi a rothang ho ya ho ile ha pula e ena, a tshwana hantle le mmadikomang.