Diproverbia 19:11 - BIBELE

¹¹ Bohlale ba motho bo tswala mamello, ho iphapanyetsa diphoso ke yona tlotla ya hae.

Sesotho 1909/1961 (SO)

¹¹ Maele a motho a mo etsa ya sebete; kganya ya hae ke ho mamella ho sitelwa ke ba bang.

Diproverbia 19:11 ပူးပေါင်းရင်းမြစ်များ

2 Marena 5:12

Na metsi a dinoka tsa Damaseka, bo-Abana le Parapara, ha a a hlweka ho feta metsi wohle a naha ya Iseraele? Na nke ke ka tola ho tsona, yaba ke a fola?” Naamane a kgutla, a tsamaya a halefile.

Diproverbia 11:13

Ya ratang ditshebo o hlahatsa makunutu, ya tshepahalang yena o na le sefuba.

Diproverbia 12:16

Sethoto se sitwa ho itshwara ha se halefa, empa ya bohlale o iphapanyetsa dikgopiso.

Diproverbia 14:29

Ya diehang ho halefa o na le kutlwisiso, athe sefelapelwana se bontsha bothoto.

Diproverbia 15:18

Motho ya bohale o baka diqabang, ya nang le mamello yena o a di fedisa.

Diproverbia 16:32

Ya nang le mamello o molemo ho feta ya dikgoka, ya itshwarang ha a halefile o feta ya hapang motse.

Diproverbia 17:14

Qabang e qala jwaloka metsi a faposwa mosele, wena e kwekwetle e eso ka e kekela.

Diproverbia 20:22

Se ke wa re: “Bobe ke tla bo phetetsa ka bobe!” Lebella Morena, o tla o namolela.

Diproverbia 20:3

Ke tlotla ho kgaohana le diqabang, sethoto sona ke maratahelele!

Diproverbia 25:21

Ha sera sa hao se lapile, o ke o se fepe; ha se nyorilwe, se fe metsi se nwe;

Diproverbia 29:11

Sethoto se hlatsa kgalefo ya sona, empa ya bohlale yena o a e bipa.

Baefese 4:32

Rekolohelanang, le hauhelane, le tshwarelane, jwalokaha le Modimo a le tshwaretse ka Kreste.

Jakobo 1:19

Bana beso ba ratehang, tsebang hona: Motho ka mong eka kgona a utlwe kapele, empa a se ke a potlakela ho bua le ho halefa,