Diproverbia 19:10 - BIBELE

¹⁰ Sethoto ha se lokele ho hafa ka nkatana, jwalokaha lekgoba le sa lokele ho busa mahosi.

Sesotho 1909/1961 (SO)

¹⁰ Boiketlo ha bo lokele sethoto; ho tla ronana hakakang ha mofo a busa marena!

Diproverbia 19:10 ပူးပေါင်းရင်းမြစ်များ

2 Samuele 3:39

Leha ke tlotsitswe hore ke be kgosi, kajeno ke a fokola. Banna bana, e leng bara ba Seruya, ba ntlhotse ka ho hloka mohau. Morena a ke a putse ya entseng bokgopo bona ho ya ka bokgopo boo ba hae.”

Esthere 3:15

Maqosa a matha ka potlako, a susumetswa ke taelo ya kgosi, mme taelo eo ya phatlalatswa Shushane, motseng wa bokgosi. Jwale kgosi le Hamane ba dula, ba enwa, empa motse wa Shushane wona o ne o ferekane.

Diproverbia 17:7

Sethoto ha se lokelwe ke puo tsa bokgeleke, puo ya leshano ha e lokele kgosana.

Diproverbia 26:1

Jwaloka lehlwa le kgethehang hlabula, kapa pula e nang ka nako ya ha ho kotulwa, hlompho le yona ha e tshwanele sethoto.

Isaia 3:5

Batho bohle ba tla hatellana, motho ka mong a hatelle e mong, ba ahisaneng le bona ba hatellane. Batjha ba tla tsohela baholo ba bona matla, ba eisehang ba tsohele batlotlehi matla.

Hosea 9:1

Se ke wa nyakalla, wena Iseraele! Se ke wa thaba jwaloka ditjhaba tse ding! O entse bootswa ka ho furalla Modimo wa hao, o hloma eka moputso wa bootswa ba hao ke mabele a polwang, a polwang seotlong ka seng.

Luka 16:19

“Ho ne ho ena le monna e mong wa morui, ya neng a apara diaparo tse perese, tse ntlehadi, a ithabisa ka ho etsa mekete ka tsatsi le leng le le leng.

Luka 16:23

Ha a phahamisa mahlo a le ditlhokofatsong, Nqalong ya Bafu, a bona Aborahama a le hole, Lasaro a le sefubeng sa hae.

Jakobo 4:9

Lemohang bosoto ba lona, le hlomohe, le bokolle; letsheho la lona le fetohe dillo, thabo ya lona e fetohe maswabi.

1 Samuele 25:36

Ha Abikaele a fihla ho Nabale, a fumane ho nowa, e le mokete o kang wa kgosi. Nabale o ne a nyakaletse, hobane o ne a tahilwe haholo. Ka baka leo, Abikaele a se ke a mmolella letho ho fihlela ka le hlahlamang.