Diproverbia 17:15 - BIBELE

¹⁵ Ya lokollang ya kgopo le ya ahlolang ya lokileng, bobedi ba bona ke manyala ho Morena.

Sesotho 1909/1961 (SO)

¹⁵ Ya hlatswang motho ya melato, le ya tswang motho ya se nang molato, ba babedi ba manyala ho Jehova.

Diproverbia 17:15 ပူးပေါင်းရင်းမြစ်များ

1 Marena 21:13

Jwale banna ba babedi, ba kgopo, ba fihla ba dula kapele ho yena, ba mo qosa kapele ho setjhaba, ba re: “Nabote o ile a nyefola Modimo le kgosi!” Yaba ba hulanyetsa Nabote kantle ho motse, ba mo tlepetsa ka majwe, a ba a shwa.

Dipesaleme 94:21

Ba ikopanya mmoho ho fedisa bophelo ba ya lokileng, ba ahlolela ya se nang molato lefu.

Eksoda 23:7

O be hole le qoso ya leshano. O se ke wa bolaya ya se nang molato le ya lokileng, hobane ha nka ke ka lokolla molotsana.

Diproverbia 11:1

Morena o hloile sekala se qhekanyetsang, empa boima bo nepahetseng bona bo a mo thabisa.

Diproverbia 15:8

Mahlabelo a ya kgopo ke manyala ho Morena, empa thapelo ya ya lokileng e a mo kgahla.

Diproverbia 17:26

Ke phoso ho ahlola motho a se na molato, kapa ho otlela mahosana ho loka ha wona.

Diproverbia 18:5

Ha ho molemo ho bontsha leeme ho ba kgopo, ebe o sitisa ya lokileng ho ahlolelwa ka toka.

Diproverbia 31:5

esere ha di nwele, molao tsa o lebala, bafumanehi ba ahlolelwa ka leeme.

Diproverbia 6:16

Ntho di tsheletse, tseo Morena a di hloileng, e, di supile tseo e leng manyala ho yena:

Isaia 5:20

Ho madimabe ba reng bobe ke ho loka, ho loka ke bobe, ba reng lefifi ke lesedi, lesedi ke lefifi, ba reng ho babang ho monate, ho monate ho a baba.

Isaia 5:23

ba lokollang ya molato ka baka la tjotjo, ya se nang molato yena ba mo hlokele toka.

KOLI-YA-MALLA 3:35

ho hanela motho ka tokelo tsa hae, ha motho a le kapela Ya Hodimodimo;

Ezekiele 13:19

Na le tla ntlontlolla setjhabeng sa ka hore le tle le kgaketswe harese, le fuwe le dithathana tsa bohobe, ebe le bolaya meya e neng e sa lokela ho shwa, le phedisa e neng e lokela ho shwa, ka ho thetsa setjhaba sa ka se utlwang mashano aa a lona?

Amose 5:12

Ke tseba palo ya ditlolo tsa lona, le boholo ba dibe tsa lona ke a bo tseba: Le tuba ya lokileng, le tjotjo le e amohele, ha le ahlolele mofutsana ka toka makgotleng.

Amose 5:7

Le madimabe lona ba sothang toka, ba e sothang, ba e fetole leshokgwa. ba e fetole, ba lahlele ho loka fatshe!

Amose 6:12

Na dipere di ka matha mafikeng? Na pholo di ka lema lewatleng? Empa lona toka le e fetotse tjhefo, tholwana ya ho loka la e fetola leshokgwa.

Baroma 4:5

Empa ya sa sebetseng, a mpa a dumela ho ya lokafatsang ya kgopo, o ballwa tumelo ya hae e le ho loka.

Deuteronoma 25:1

“Ha ho ena le tsekisano pakeng tsa banna, ba tla tla lekgotleng la boahlodi, mme baahlodi ba ba ahlolele. Ba tla lokolla ya se nang molato, ba ahlole ya molato.

Jakobo 5:6

Le ahlotse ya lokileng, le mmolaile, mme ha a a ka a itwanela.