Diproverbia 16:32 - BIBELE

³² Ya nang le mamello o molemo ho feta ya dikgoka, ya itshwarang ha a halefile o feta ya hapang motse.

Sesotho 1909/1961 (SO)

³² Ya diehang ho halefa o fetisa mohale; ya hlolang pelo ya hae o fetisa ya hapang metse.

Diproverbia 16:32 ပူးပေါင်းရင်းမြစ်များ

2 Marena 5:12

Na metsi a dinoka tsa Damaseka, bo-Abana le Parapara, ha a a hlweka ho feta metsi wohle a naha ya Iseraele? Na nke ke ka tola ho tsona, yaba ke a fola?” Naamane a kgutla, a tsamaya a halefile.

Dipesaleme 103:8

Morena o na le kutlwelobohloko, Morena o mosa; o dieha ho halefa, o tletse mohau.

Diproverbia 14:29

Ya diehang ho halefa o na le kutlwisiso, athe sefelapelwana se bontsha bothoto.

Diproverbia 15:18

Motho ya bohale o baka diqabang, ya nang le mamello yena o a di fedisa.

Diproverbia 16:19

Ho molemo ho ikokobetsa o le hara mafutsana, ho ena le ho arolelana kgapo le baikgohomosi.

Diproverbia 16:31

Moriri o moputswa ke mofapahlooho o kgabane, o fumanwa ke ya phelang ka ho loka.

Diproverbia 16:33

Batho ba laola ditaba ka lotho, empa diqeto tsona ke tsa Morena.

Diproverbia 19:11

Bohlale ba motho bo tswala mamello, ho iphapanyetsa diphoso ke yona tlotla ya hae.

Diproverbia 25:15

Ho ba le mamello ho ka sokolla kgosi; polelo e bonolo e fedisa manganga.

Diproverbia 25:28

Motho ya hlolwang ho bipa kgalefo ya hae o tshwana le motse o marako a heleditsweng.

Moeklesia 7:8

Pheletso ya taba e molemo ho feta qaleho ya yona, momamelli o molemo ho feta moikakasi.

Moeklesia 7:9

O se itlwaetse ho halefa kapele, thoto di kwetlile kgalefo ka difubeng tsa tsona.

Baroma 12:21

O se ke wa hlolwa ke bobe, o mpe o hlole bobe ka botle.

Baefese 5:1

Etsisang Modimo, kaha le le bana ba hae ba ratehang.

Jakobo 1:19

Bana beso ba ratehang, tsebang hona: Motho ka mong eka kgona a utlwe kapele, empa a se ke a potlakela ho bua le ho halefa,

Tshenolo 3:21

“Ya hlolang ke tla mo nea tokelo ya ho dula le nna teroneng ya ka, jwalokaha le nna ke hlotse, mme ke dutse le Ntate teroneng ya hae.