Diproverbia 16:24 - BIBELE

²⁴ Polelo tse monate di ka mahe a dinotshi, moyeng di a hlabosa, di matlafatse mmele.

Sesotho 1909/1961 (SO)

²⁴ Puo tse ntle ke lekgeha la dinotshi, di monate moyeng wa motho, di matlafatsa masapo a hae.

Diproverbia 16:24 ပူးပေါင်းရင်းမြစ်များ

Dipesaleme 119:103

Ditshepiso tsa hao di latsweha hamonate hakaakang! Di feta mahe a dinotshi ka hanong la ka.

Dipesaleme 19:10

Ho tshaba Morena ke ntho e molemo, e ke keng ya fetoha ho isa kgale; dikahlolo tsa Morena ke tsa nnete, kaofela ha tsona di lokile.

Diproverbia 12:18

Polelo tsa ya phasolohang di hlaba jwaloka sabole, leleme la ya bohlale lona le a fodisa.

Diproverbia 15:23

Karabo e nepahetseng e thabisa monga yona, e tlang ka nako ya yona e molemo hakaakang!

Diproverbia 15:26

Mehopolo ya ya kgopo ke manyala ho Morena, polelo tsa ya lokileng tsona di kgahlisa Morena.

Diproverbia 17:22

Pelo e thabileng e tseba ho fodisa, empa moya o hlorileng o tepeletsa mmele.

Diproverbia 23:16

pelo ya ka e tla nyakalla ha o bua seo e leng nnete.

Diproverbia 27:9

Ditlolo le menkwane di thabisa pelo ya motho, keletso e ntle ya motswalle le yona e thabisa jwalo.

Diproverbia 3:8

O tla phela hantle mmeleng, masapo a hao a tiye.

Diproverbia 4:22

ke bophelo ho ba di amohelang, di phedisa mmele ya bona hamonate.

Moeklesia 12:10

A batlisisa mantswe a nepahetseng, mme dipolelo tseo a di ngotseng tsa nepahala, ya eba tsa nnete.

Sefela sa Salomone 4:11

Mahe a dinotshi a rotha molomong wa hao, monyaduwa wa ka, tlasa leme la hao ho tswa lebese, le mahe a dinotshi, menkwane ya aparo tsa hao e ka ya Lebanone.

Jeremia 15:16

Hoba ke utlwe dipolelo tsa hao, di ile tsa ka bohobe ho nna, ka di ja, ya eba thabo le monyaka wa pelo ya ka, hobane nna ke bitswa ka lebitso la hao, oho, wena Morena, Modimo wa mabotho!

Deuteronoma 32:2

Thuto tsa ka di tla rotha jwaloka pula, polelo tsa ka di monyele jwaloka phoka, jwaloka lefafatsane hodima jwang bo botalana, le jwaloka modupe hodima dijalo.

Tshenolo 10:10

Ka nka bukana eo e letsohong la lengeloi, ka e ja. Ka hanong e ne e le monate jwaloka mahe a dinotshi, empa yare hoba ke e kwenye, ya mpabela ka maleng.