Diproverbia 16:19 - BIBELE

¹⁹ Ho molemo ho ikokobetsa o le hara mafutsana, ho ena le ho arolelana kgapo le baikgohomosi.

Sesotho 1909/1961 (SO)

¹⁹ Ho kokobetswa le ba banyenyane ho molemo ho ena le ho ja kgapo le baikgohomosi.

Diproverbia 16:19 ပူးပေါင်းရင်းမြစ်များ

Dipesaleme 138:6

Leha Morena a phahame hakaalo, o bona ba eisehang; ba ikgantshang o ba tseba ba sa le hole.

Dipesaleme 34:18

Ha ba lokileng ba lla, Morena o a ba utlwa; o ba lopolla matshwenyehong wohle a bona.

Eksoda 15:9

“Sera se ile sa re: ‘Ke tla ba phaladisa, ke ba tshware; ke arole kgapo, ke kgotsofale. Ke tla hula sabole ya ka, ka tsoho la ka ke ba timetse.’

Diproverbia 1:13

matlotlo a bohlokwa re tla a hapa, matlo a rona a tlale kgapo ya rona;

Diproverbia 1:14

rona le wena a re ikopanye, mokotla o be mong, re arolelane.”

Diproverbia 25:7

ho molemo ha kgosi e re ho wena: “Nyolohela kwano!” ho ena le ho tlontlollwa mahlong a kgosana, mahlong a kgosana eo o e bonang.

Diproverbia 29:23

Boikakaso ba motho bo a mo diha, empa boikokobetso bo mo tlisetsa hlompho.

Diproverbia 3:34

Morena o soma baikakasi, athe baikokobetsi o a ba hauhela.

Isaia 10:6

Ke tla mo romela tjhabeng sa baetsadibe, ke mo romele tjhabeng se nkgalefisang; ke tla mo laela hore a hape kgapo, ke mo laele hore a lobele lebobelo, le ho ba hatakela sa seretse sa diterata.

Isaia 53:12

Kahoo o tla ba le seabo hara ba baholo, kgapo yona a e arolelane le dinatla, hobane bophelo ba hae o ila bo tella lefu, a ba a balellwa le baetsadibe. O ila itjarisa dibe dibe tsa ba bangata, mme baetsadibe a ba rapella.

Isaia 57:15

Ya phahameng, ya hodimodimo, yena ya phelang kamehla yohle, eo lebitso la hae le halalelang, o re: “Ke phela bakeng se phahameng, bakeng se halalelang, ya robehileng moya, ke phela le yena, le ya ikokobeditseng ke phela le yena, ke kgothatsa ya ikokobetsang, ke kgothatsa ya robehileng moya.

Isaia 9:3

O atisitse setjhaba, thabo ya sona wa e eketsa, sa thaba pontsheng ya hao, jwalokaha batho ba thabela kotulo, ba thabela ho arolelana kgapo.

Mattheu 5:3

“Ho lehlohonolo ba futsanehileng moyeng, hobane Mmuso wa mahodimo ke wa bona.

Baahlodi 5:30

‘Ba hapile, ba arolelana tsa kgapo, mohlabani ka mong o abelwa morwetsana, kapa o abelwa barwetsana ba le babedi; Sisera o abelwa seaparo se mebala, seaparo se mebala, se homilweng; aparo tse pedi, tse homilweng, tsa molaleng, ke tsa ka!’