Diproverbia 16:18 - BIBELE

¹⁸ Boikakaso bo etella timelo pele, boikgohomoso bo etelle ho wa, pele.

Sesotho 1909/1961 (SO)

¹⁸ Boikgohomoso bo etella timelo pele, boikgantsho bo isa ho weng.

Diproverbia 16:18 ပူးပေါင်းရင်းမြစ်များ

Esthere 3:5

Ha Hamane a bona hore Moredekai o hana ho mo obamela, le ho isa hlompho ho yena, a loloma ke bohale.

Esthere 6:6

Yaba Hamane o a kena. Kgosi ya re ho yena: “Ho etswe jwang ka motho eo kgosi e thabelang ho mo tlotla?” Hamane a bua ka pelo, a re: “E ka ba mang eo kgosi e ka thabelang ho mo tlotla, haese nna!”

Esthere 7:10

Yaba ba fanyeha Hamane hona sefateng sona seo Hamane a neng a se etseditse Moredekai. Jwale kgalefo ya kgosi ya kokobela.

Diproverbia 11:2

Boikakaso bo etella dihlong pele, boikokobetso bona bo tsamaya le bohlale.

Diproverbia 17:19

Ya ratang diphapang o rata sebe, ya ikgohomosang o ipitsetsa timelo.

Diproverbia 18:12

Boikakaso bo etella timelo pele, boikokobetso bona bo tla pele ho tlotla.

Diproverbia 29:23

Boikakaso ba motho bo a mo diha, empa boikokobetso bo mo tlisetsa hlompho.

Diproverbia 8:13

Ho tshaba Morena ke ho hloya bobe, ke hloile boikgohomoso, ke hloile le boikakaso, boitshwaro bo bobe le leshano le tsona ke di hloile.

Isaia 37:38

Ka tsatsi le leng, ha a ntse a rapela, a le ka tempeleng ya Niseroke, modimo wa hae, bo-Adarameleke le Saresere, bara ba hae, ba mmolaya ka sabole. Ba balehela naheng ya Ararate, mme Asare-Hadone, mora wa hae, a mo hlahlama.

Jeremia 49:16

Boikakaso ba hao bo u thetsitse, le boikgantsho ba pelo ya hao bo o thetsitse, wena ya phelang ka mafarung a mafika, wena ya ahileng maralleng a phahameng. Le hoja o ahile hodimo jwaloka ntsu, ke tla o theolela tlase,” ho rialo Morena.

Jeremia 50:32

Moikgantshi o tla kgothometseha a ba a we, ha ho na ya tla mo thusa ho mo emisa; ke tla hotetsa mollo motseng wa hae, o tla tjhesa tsohle tse mo potapotileng.”

Ezekiele 28:17

Ka baka la botle ba hao o ila ikakasa, tlotla ya hao ya silafatsa bohlale ba hao; kahoo yaba nna ke o lahlela fatshe, ke o etsa sekao hore dikgosi di bone!

Ezekiele 29:9

Naha ya Egepeta e tla fetoha nanaola, mme Baegepeta ba tla tseba hore ke nna Morena, hobane Faro yena o itse: “Noka ena ke ya ka, e entswe ke nna.”

Daniele 11:12

Kgosi eo e hlotseng e tla ikgohomosa ka tlholo ya yona, le ka bahlabani ba diketekete bao e ba bolaileng, empa e ke ke ya boela ya hlola.

Daniele 5:22

“Le wena Beleshasare, mora wa hae, ha o a ka wa ikokobetsa, le hoja o tsebile tsena tsohle.

Daniele 5:24

Letsoho lena le ngotseng mongolo ona le tswa ho yena.

Mattheu 26:74

Ya eba moo a qalang ho rohakana le ho hlapanya, a re: “Motho eo ha ke mo tsebe!” Hanghang mokoko wa lla.

Luka 14:9

ebe ya le memileng o a tla, o re ho wena: ‘Suthela monna enwa sebaka,’ ebe moo o qalang ho ya dula ka dihlong tulong tse kamorao.

Baroma 11:20

E, ho jwalo. A kgaotswe ka baka la ho se dumele, athe wena o hlomathetse ka baka la tumelo. O se ke wa ikakasa, o mpe o tshabe,

1 Timothea 3:6

E se be motho ya sa tswa sokoloha, esere a ikgohomosa, mme a welwa ke kahlolo jwaloka Diabolosi.

Baahlodi 11:28

Empa kgosi ya Baamone ya se ke ya natsa molaetsa oo Jafeta a o rometseng ho yona.

1 Samuele 17:42

Ha Mofilesita a ntse a qamaka, a bona Davida, mme a mo halala, hobane Davida e ne e le moshanyana, a le mosehla, sebopeho sa hae se kgahleha.