Diproverbia 15:5 - BIBELE

⁵ Sethoto se nyedisa thuto ya ntata sona, athe ya ratang kgalemo yena o a hlalefa.

Sesotho 1909/1961 (SO)

⁵ Lehlanya le nyedisa thuto ya ntata lona, empa ya mamelang tayo o a hlalefa.

Diproverbia 15:5 ပူးပေါင်းရင်းမြစ်များ

1 Dikronike 28:20

Davida a boela a re ho mora wa hae Solomone: “Eba monna, o be sebete, o etse jwalo. O se ke wa tshaba, kapa wa tsieleha, hobane Morena Modimo, e leng Modimo wa ka, o tla ba le wena. Ha a ka ke a o lahla, kapa a o furulla, ho fihlela o qeta mosebetsi wohle wa ho haha Tempele ya Morena.

1 Dikronike 28:9

“Jwale wena Solomone, mora wa ka, tseba Modimo wa ntatao, o mo sebeletse ka pelo ya hao yohle, le ka maikutlo a hao wohle. Morena o lekola dipelo tsohle, mme o tseba menahano yohle, le mehopolo yohle. Ha o ka mmatla, o tla mo fumana, empa haeba o ka mo furalla, o tla o lahlela ruri!

Dipesaleme 141:5

Ho molemo ha ke otlwa ke ya lokileng, ke kgalemelwa ke yena; hoo ke ole eo hlooho ya ka e ke keng ya e hana, ke tla nne ke rapele leha ba kgopo ba ntshwenya.

Diproverbia 1:23

Hoja le ka mamela kgalemo ya ka, pelo ya ka nkabe ke le bulela yona, mehopolo ya ka ke le tsebisa yona.

Diproverbia 1:7

Ho tshaba Modimo ke qaleho ya tsebo, empa dithoto di nyedisa bohlale, di nyedisa le tayo.

Diproverbia 10:1

Ana ke maele a Solomone: Ngwana ya bohlale o thabisa ntatae, ngwana ya sethoto ke masisapelo ho mmae.

Diproverbia 13:1

Mora ya bohlale o mamela thuto ya ntatae, empa moikakasi ha a natse kgalemo.

Diproverbia 13:18

Bofuma le dihlong di wela ya hanang kgalemo, tlotla e aparela ya sa haneng ho nyatsuwa.

Diproverbia 15:4

Leme le thabisang ke fate sa bophelo, empa le thetsang le senya pelo ya motho.

Diproverbia 15:6

Ka tlung ya ya lokileng leruo le teng, empa ya kgopo leruo le mmakela ditsietsi.

Diproverbia 19:20

Sekehela keletso tsebe, o mamele ditaelo, e le hore qetellong o tle o hlalefe.

Diproverbia 25:12

Ho kgalengwa ke motho ya bohlale, tsebeng e lethwethwe ke lesale, ke mokgabo wa kgauta e hlwekisitsweng.

Diproverbia 6:23

Taelo ke lona lebone, thuto ke lona lesedi, kgalemo ke bona bophelo,

Tite 1:13

Bopaki boo ke ba nnete. Ka lebaka lena o ba kgalemele ka thata, e le hore ba tle ba be le tumelo ya nnete,

Tite 2:15

Bolela tsena, o kgothatse, o kgalemele ka matla wohle. Ho se be ya o nyedisang.