Diproverbia 15:28 - BIBELE

²⁸ Ya lokileng o inahana a eso arabe, molomong wa ya kgopo bokgopo bo a kopotsa.

Sesotho 1909/1961 (SO)

²⁸ Pelo ya motho ya lokileng e nahana karabo; empa molomo wa e mobe o kolla tse mpe.

Diproverbia 15:28 ပူးပေါင်းရင်းမြစ်များ

Dipesaleme 59:7

Kamehla ba kgutla ka phirimana, ba rore sa dintja, ba solle hara motse.

Diproverbia 10:19

Ya buang haholo sebe se teng polelong tsa hae, ya sa buabueng yena ke motho ya bohlale.

Diproverbia 10:32

Ya lokileng o bua puo tse thabisang, athe ya kgopo o tseba ho sokamisa ditaba.

Diproverbia 13:16

Motho ya bohlale o sebetsa ka kelello, sethoto sona se pepesa bothoto ba sona.

Diproverbia 15:2

Leme la ya bohlale le ratisa batho tsebo, empa molomo wa sethoto o kopotsa bothoto.

Diproverbia 16:23

Ya bohlale o hlalefiswa ke pelo ya hae, le seo a tla se bua o se rutwa ke yona.

Diproverbia 29:11

Sethoto se hlatsa kgalefo ya sona, empa ya bohlale yena o a e bipa.

Diproverbia 29:20

Motho eo ereng ha a bua a phasolohe, o ka tshepa sethoto ho ena le yena.

Moeklesia 5:2

Se potlakele ho ahlamisa molomo, pelo ya hao e se ke ya ba lehala ho bua ho hong kapela Modimo. Modimo o lehodimong, wena o lefatsheng, kahoo polelo tsa hao di se be kae.

Moeklesia 5:6

Se dumelle leleme la hao ho o kgannela sebeng, ebe jwale o re ho moromuwa wa Modimo: “Ke entse phoso!” Eba o etsetsang hore Modimo a halefiswe ke dipolelo tsa hao, ebe o fedisa mosebetsi wa matsoho a hao?

Mattheu 12:34

Lona madinyane a marabe, le ka bolela jwang tse lokileng le le kgopo tjee? Molomo o bolela se tletseng ka pelong.

1 Petrose 3:15

empa dipelong tsa lona le hlomphe Kreste, eo e leng Morena. Kamehla le itokisetse ho ikarabella ho bohle ba le botsang tsa tshepo eo le nang le yona.

2 Petrose 2:18

Dipuo tsa bona ke tsa boikgohomoso, tsa mafeela; ka ditakatso tse kgopo tsa nama, ba tshwasa ba sa tswa phonyoha ho ba phelang bokgelohing.