Diproverbia 15:15 - BIBELE

¹⁵ Ya tshwenngwang o phela habohloko ka nako tsohle, ya thabileng yena o keteka kamehla.

Sesotho 1909/1961 (SO)

¹⁵ Ho motho ya hlomohileng matsatsi a ba mabe kaofela; empa pelo e tshweu ke mokete wa kamehla.

Diproverbia 15:15 ပူးပေါင်းရင်းမြစ်များ

Genese 37:35

Bara ba hae bohle, le baradi ba hae bohle, ba ema ka maoto ho mo tshedisa, empa a se ke a tshediseha, a mpa a re: “Ke tla theohela Nqalong ya Bafu, ho mora wa ka, ke ntse ke lla.” Kahoo ntatae a mo llela.

Genese 47:9

Jakobo a re ho Faro: “Dilemo tsa bojaki ba ka mona lefatsheng ke lekgolo le mashome a mararo. Dilemo tsa bophelo ba ka di bile kgutshwanyane, tsa eba thata, mme ha di a fihla dilemong tseo bo-ntate ba di phetseng.”

Diproverbia 15:13

Pelo ha e thabile sefahleho se kganya kgotso, empa ha e hlomohile motho o utlwa bohloko.

Diproverbia 15:14

Ya nang le kutlwisiso o labalabela tsebo, athe dithoto tsona di labalabela bothoto.

Diproverbia 15:16

Sejosenyane se molemo ha o tshaba Morena, ho ena le maruo a o bakelang ditsietsi.

Diproverbia 16:22

Bohlale ke diba sa bophelo ho ya nang le bona, ho ruta dithoto ke ho itshenyetsa nako.

Diproverbia 17:22

Pelo e thabileng e tseba ho fodisa, empa moya o hlorileng o tepeletsa mmele.

Diketso 16:25

Ka seroko, Paulosi le Silase ba rapela, ba tlotlisa Modimo ka difela, mme batshwaruwa ba ba mamela.

Baroma 12:12

Thabang ka baka la tshepo ya lona, mamellang matshwenyehong, tiisetsang thapelong.

Baroma 5:11

Ho feta mona, re ithorisa ka Modimo, ka baka la Morena wa rona Jesu Kreste, eo jwale re fumaneng poelano ka yena.

2 Bakorinthe 1:12

Seo re ithorisang ka sona ke sena: Letswalo la rona le re pakela hore mona lefatsheng re ile ra phedisana le batho, haholo le lona, re se na mano, re ena le nnete ya Modimo; e seng ka bohlale ba botho, empa ka mohau wa Modimo.

2 Bakorinthe 1:5

Jwalokaha mahloko a Kreste a re aparetse, ka mokgwa o jwalo le wona matshediso a re ngatafaletse ka Kreste.

2 Bakorinthe 6:10

re le ba swabileng, empa re thabile; re le ba futsanehileng, empa re ruisa ba bangata; re le ba se nang letho, empa re ruile tsohle.

1 Petrose 4:13

Thabo ya lona e ke e lekane le kabelo eo le nang le yona mahlokong a Kreste, e le hore le tle le thabe, le nyakalle, mohla tlotla ya hae e bonahatswang.