Diproverbia 15:1 - BIBELE

¹ Ya arabang ka boikokobetso o tima kgalefo, empa polelo e kgahlapetsang e baka bohale.

Sesotho 1909/1961 (SO)

¹ Karabo e bonolo e thethefatsa bohale empa polelo e hlabang ea bo leotsa.

Diproverbia 15:1 ပူးပေါင်းရင်းမြစ်များ

2 Samuele 19:43

Banna ba Iseraele ba araba banna ba morabe wa Juda, ba re: “Kabelo ya rona ho kgosi e feta ya lona haleshome; le ho Davida re na le tokelo e fetang ya lona. Jwale le re nyedisitse ka baka lefe? Na hase rona ba qadileng ho bua pele ka taba ya hore kgosi e kgutliswe?” Dipolelo tsa banna ba morabe wa Juda di ne di hlaba ho feta tsa banna ba Iseraele.

1 Marena 12:7

Ba re ho yena: “Haeba ho tloha kajeno o ka ba mohlanka wa setjhaba sena, wa se sebeletsa, wa bua le sona hantle ha o se araba, e tla ba bahlanka ba hao.”

2 Dikronike 10:7

Ba re ho yena: “Haeba o ka ba mosa ho setjhaba sena, mme wa se kgahlisa, wa bua le sona hantle, e tla ba bahlanka ba hao kamehla yohle.”

Jobo 41:3

Na e tla rapela hore o e rekolohele, kapa e bue ka bonolo, e nne e o qekise?

Diproverbia 10:12

Lehloyo le fehla moferefere, athe lerato lona le iphapanyetsa diphoso tsohle.

Diproverbia 15:18

Motho ya bohale o baka diqabang, ya nang le mamello yena o a di fedisa.

Diproverbia 25:15

Ho ba le mamello ho ka sokolla kgosi; polelo e bonolo e fedisa manganga.

Diproverbia 28:25

Motho ya ikgohomosang o fehla moferefere; ya itshepelang Morena o tla fumana katleho.

Diproverbia 29:22

Motho ya bohale o baka diqabang, ya hlonameng yena o tletse bokgopo.

Diproverbia 29:8

Basomi ba fehla moferefere, ba o fehla kahara motse, empa ba bohlale ba kokobetsa kgalefo.

Diketso 19:41

Hoba a rialo, a qhala mokgopi.