Diproverbia 14:8 - BIBELE

⁸ Ya bohlale o tseba ho kgetha tsela ya hae, sethoto se ithetsa ka bothoto ba sona.

Sesotho 1909/1961 (SO)

⁸ Bohlale ba motho ya masene bo mo bontsha tsela ya hae, empa bosawana ba setseketseke bo a se thetsa.

Diproverbia 14:8 ပူးပေါင်းရင်းမြစ်များ

Dipesaleme 111:10

Qaleho ya bohlale ke ho tshaba Morena, bohle ba sedi ba phela jwalo. O lokelwa ke thoriso kamehla.

Dipesaleme 119:5

Eka nka tiya metsamaong ya ka, ka phetha thato ya hao.

Dipesaleme 119:73

O mpopile ka matsoho a hao, wa nnea sebopeho; ako nnee kutlwisiso, ke tle ke ithute melao ya hao.

Dipesaleme 143:8

Etsa hore ke tsebe mohau wa hao, ke o tsebe e sa le hoseng, hobane ke o tshepile; mpontshe tsela eo nka tsamayang ka yona, hobane ke o rapela ka moya wa ka wohle.

Diproverbia 11:18

Motho ya kgopo o amohela moputso wa bolotsana, ya jalang ho loka o kotula moputso wa nnete.

Diproverbia 12:5

Merero ya ya lokileng e nepahetse, keletso tsa ya kgopo di tletse thetso.

Diproverbia 15:21

Ya hlokang bohlale o thabiswa ke bothoto, ya nang le kutlwisiso yena o etsa ho lokileng.

Diproverbia 2:9

O tla utlwisisa ho loka, ho tshepeha, le ho nepahetseng, o utlwisise le ditsela tsohle, tsela tsohle, tse lokileng;

Diproverbia 8:20

Ke tsamaya tseleng ya toka, tsela ya ka ke tsela ya molao.

Moeklesia 2:13

Ka bona hore bohlale bo molemo ho feta bothoto, jwalokaha lesedi le le molemo ho feta lefifi.

Moeklesia 2:16

Ya bohlale, ho tshwana le ya sethoto, a ke ke a hopolwa kamehla le mehla; ka nako e tlang bobedi ba tla lebalwa. Mohlalefi o shwa jwalokaha thoto se eshwa!

Jeremia 13:20

Phahamisang mahlo a lona, le bone ba le futuhelang ba etswa leboya. O kae mohlape oo o neng o o disa, mohlape wa hao o neng o kgahleha?

1 Bakorinthe 3:19

Bohlale ba lefatshe lena ke bothoto mahlong a Modimo. Etswe Mangolo a re: “Modimo o tshwasa ba bohlale maqhekeng a bona.”

Baefese 4:22

Tlohelang metsamao ya lona ya pele, le fedise botho ba lona ba kgale, bo senyehileng ka baka la ditakatso tse thetsang.

Baefese 5:17

Ka baka leo, se fetoheng mawatla, le mpe le utlwisise seo e leng thato ya Morena.

2 Timothea 3:13

Ha e le batho bao ba kgopo, ba mamenemene, bobe ba bona bo tla nne bo tote, ba thetse ba bang, le bona ba thetsehe.

Jakobo 3:13

Ke mang hara lona, ya bohlale, ya nang le tsebo? Ka boitshwaro ba hae bo botle, a ke a bontshe hore mesebetsi ya hae e etswa ka boikokobetso bo dumellanang le bohlale.