Diproverbia 14:20 - BIBELE

²⁰ Mafutsana a hloilwe le ke ba ahisaneng le wona, empa barui ba na le metswalle e mengata.

Sesotho 1909/1961 (SO)

²⁰ Mofutsana o ilwa le ke wa habo; empa metswalle ya morui e mengata.

Diproverbia 14:20 ပူးပေါင်းရင်းမြစ်များ

Esthere 3:2

Bahlanka bohle ba kgosi, ba neng ba le monyakong wa kgosi, ba ne ba obama kapele ho Hamane, ba isa hlompho. Kgosi e ne e ile ya ba laela ho etsa jwalo ho Hamane. Empa Moredekai yena ha a a ka a obamela Hamane, leha e le ho isa hlompho ho yena.

Jobo 30:10

Ba se ba nnyonya ba bile ba nkwekwetla, fahleho sa ka ba se tshwela ka mathe.

Jobo 42:11

Jwale bana babo kaofela, le dikgaitsedi tsa hae kaofela, le bohle ba neng ba tsebana le yena pele ho mona ba tla ho yena. Ba fihla ba eja dijo le yena, ba le ka tlung ya hae, ba mo tshedisa malebana le bobe bohle boo Morena a ileng a mo tlisetsa bona. Motho ka mong wa bona a mo nea tjhelete ya kesita, le reng ya kgauta.

Diproverbia 10:15

Morui o tshepile maruo a hae, mofutsana o timetswa ke bofuma ba hae.

Diproverbia 19:4

Leruo le atisetsa motho metswalle, athe mofutsana o furallwa le ke metswalle.