Diproverbia 14:17 - BIBELE

¹⁷ Motho ya halefang kapele o etsa bothoto, ya nang le mehopolo e mebe batho ba a mo hloya.

Sesotho 1909/1961 (SO)

¹⁷ Motho ya bohale o etsa tsa bowatla, mme ya ditaba tse lonya o a hlouwa.

Diproverbia 14:17 ပူးပေါင်းရင်းမြစ်များ

2 Marena 5:12

Na metsi a dinoka tsa Damaseka, bo-Abana le Parapara, ha a a hlweka ho feta metsi wohle a naha ya Iseraele? Na nke ke ka tola ho tsona, yaba ke a fola?” Naamane a kgutla, a tsamaya a halefile.

Esthere 3:6

Hoba Hamane a utlwe hore Moredekai ke wa setjhaba sefe, a bona ho sa tshwanele hore a bolaye yena feela. Yaba o rera hore a bolaye setjhaba sohle sa habo Moredekai, e leng Bajuda bohle ba dinaheng tsohle tse buswang ke Ahashuerushe.

Diproverbia 12:16

Sethoto se sitwa ho itshwara ha se halefa, empa ya bohlale o iphapanyetsa dikgopiso.

Diproverbia 12:2

ya lokileng Morena o a mo hauhela, ya merero e mebe yena o a mo ahlola.

Diproverbia 14:16

Motho ya bohlale o tshaba bobe, o a bo ila, empa sethoto se a tlatselela, se a itshepa.

Diproverbia 14:18

Lefa la ba se nang tsebo ke bothoto, athe moqhaka wa ba bohlale ke tsebo.

Diproverbia 14:29

Ya diehang ho halefa o na le kutlwisiso, athe sefelapelwana se bontsha bothoto.

Diproverbia 15:18

Motho ya bohale o baka diqabang, ya nang le mamello yena o a di fedisa.

Diproverbia 16:32

Ya nang le mamello o molemo ho feta ya dikgoka, ya itshwarang ha a halefile o feta ya hapang motse.

Diproverbia 20:3

Ke tlotla ho kgaohana le diqabang, sethoto sona ke maratahelele!

Diproverbia 22:24

O se ke wa etsa setswalle le motho ya bohale, o se tlwaelane le sefelapelwana,

Diproverbia 29:22

Motho ya bohale o baka diqabang, ya hlonameng yena o tletse bokgopo.

Diproverbia 6:18

pelo e rerang bokgopo, maoto a potlakelang bobeng;

Moeklesia 7:9

O se itlwaetse ho halefa kapele, thoto di kwetlile kgalefo ka difubeng tsa tsona.

Isaia 32:7

Mekgwa ya senokwane e mebe, kamehla se rera merero e kgopo, ho timetsa mafutsana ka polelo tsa mashano, leha thapedi ya bahloki e nepahetse.

Jakobo 1:19

Bana beso ba ratehang, tsebang hona: Motho ka mong eka kgona a utlwe kapele, empa a se ke a potlakela ho bua le ho halefa,