Diproverbia 12:24 - BIBELE

²⁴ Ya sebetsang ka thata ke yena ya tla busa, empa sekgoba sona se tla fetoha lekgoba.

Sesotho 1909/1961 (SO)

²⁴ Letsoho la motho ya mahlahahlaha le tla busa; empa ya botswa e tla ba mohlanka wa ba bang.

Diproverbia 12:24 ပူးပေါင်းရင်းမြစ်များ

Genese 49:15

O bona hore ho phomola ho monate, le hore naha e a kgahleha; a sekamisa lehetla la hae ho jara, a sebeletsa monga hae e le lekgoba.

1 Marena 11:28

Jeroboame e ne e le monna ya matla. Ha Solomone a bona hore mohlankana enwa o mafolofolo, a mmea hore e be mookamedi wa makgoba wohle a sebetsang seterekeng sa morabe wa Josefa.

1 Marena 12:20

Ha setjhaba sohle se utlwa hore Jeroboame o boetse o kgutlile, sa mmitsetsa pitsong, sa mmea hore e be kgosi ya Baiseraele bohle. Ha se ke ha eba le ya mong ya ileng a latela lelapa la Davida, haese ba morabe wa Juda feela.

1 Marena 9:21

le bana ba bona ba ileng ba sala naheng eo, bao bana ba Iseraele ba ileng ba sitwa ho ba timetsa ho hang, Solomone o ile a ba fetola makgoba ho fihlela kajeno-ya-bokajeno.

Diproverbia 10:4

Ya phuthileng matsoho o tla futsaneha, athe matsoho a kgothetseng a ruisa monga wona.

Diproverbia 12:27

Sekgoba se kgutla tsholong se itlhophere, athe tjhai ya sehwai e sasamatsa disiu.

Diproverbia 13:4

Sekgoba se a lakatsa, empa ha se fumane letho, sekgothadi se a atleha, se kgotsofatswa ke tsohle.

Diproverbia 17:2

Mohlanka ya masene a ka busa mora, a busa mora ya sethoto wa monga hae, a arolelwa lefa jwaloka bana ba monga hae.

Diproverbia 19:15

Botswa bo isa motho le sephume sa boroko, sekgoba sona se bolawa ke tlala.

Diproverbia 22:13

Sekgoba se re: “Tau ke ena kantle!” kapa se re: “Ke tla bolaelwa diterateng!”

Diproverbia 22:29

Ha o bona motho wa setsebi sa mesebetsi, tseba eo o tla sebeletsa dikgosi, ha a ka ke a sebeletsa bathwana.

Baahlodi 1:28

Empa yare ha Baiseraele ba se ba matlafetse, ba fetola Bakanana makgoba, feela ba se ke ba ba leleka ho hang.