Diproverbia 11:5 - BIBELE

⁵ Ho loka ha ba se nang molato ho lokisa tsela tsa bona, ba kgopo ba timetswa ke bokgopo ba bona.

Sesotho 1909/1961 (SO)

⁵ Ho loka ha motho ya lokileng ho tla mo hlekela tsela, empa e mobe o tla dihelwa ke bobe ba hae.

Diproverbia 11:5 ပူးပေါင်းရင်းမြစ်များ

2 Samuele 17:23

Ha Ahitofele a bona hore ha ho uwe ka keletso ya hae, a qhaneha tonki ya hae, a tsamaya, a ipoella tlung ya hae, motseng wa habo. Ha a se a laile ba lelapa la hae, a ikgama, a shwa, mme a epelwa lebitleng la ntatae.

Jobo 18:7

Mehato ya hae e hwantang e tla therekela, a kudupanngwe fatshe ke masene a hae.

Diproverbia 1:18

Banna bana ba emetse lefu la bona, ba itjhehetse leraba ka bobona.

Diproverbia 11:3

Ba tshepahalang ba tataiswa ke botshepehi ba bona, ba sa tshepahaleng bona ba timela, ba timetswa ke ho se tshepahale ha bona.

Diproverbia 12:3

Bokgopo ha bo ke be bo bope motho, ba lokileng bona ba ke ke ba sisinngwa.

Diproverbia 13:6

Toka e sireletsa ya lokileng, bokgopo bona bo kudupanya baetsadibe.

Diproverbia 14:32

Ya kgopo o fediswa ke bokgopo ba hae, ya lokileng o na le letshepa, esita le lefung la hae.

Diproverbia 15:19

Tsela ya sekgoba e ririellane meutlwa, athe ya ya lokileng yona e bataletse hantle.

Diproverbia 21:29

Ya kgopo o sosobanya sefahleho, ya lokileng o hlokomela metsamao ya hae.

Diproverbia 28:18

Ya phelang ka botshepehi o tla fumana pholoho; ya phelang ka bokgopo yena hanghang o tla timela.

Diproverbia 3:6

Kenya Morena mererong ya hao, mo kenye ho yona yohle, tsela tsa hao a tla di otlolle.

Diproverbia 5:22

Motho ya kgopo o tshwaswa ke makgopo a hae, dikgwele tsa dibe tsa hae di mo kgatele ruri.

Isaia 26:7

Tsela ya ya lokileng ha e na makukuno, wena Ya Lokileng o batalatsa tsela ya hae.

Hosea 5:5

Boikgohomoso ba Iseraele bo a mo ahlola, Iseraele le Efraime ba tla kgothometseha, ba be ba we ka baka la bokgopo ba bona, Juda le yena a we le bona.

Baahlodi 20:41

Jwale banna ba Iseraele ba boya sekwele, ba morabe wa Benjamine ba kgathala matla, hobane ba ile ba bona hore koduwa e ba wetse hodimo.