Diproverbia 11:31 - BIBELE

³¹ Ya lokileng o tla fumana moputso a sa phela, ya kgopo le moetsadibe le bona ba tla putswa.

Sesotho 1909/1961 (SO)

³¹ Bonang! ha esita motho ya lokileng a fuwa moputso wa hae lefatsheng lena, ho tla ba jwang ho e mobe le ho moetsadibe!

Diproverbia 11:31 ပူးပေါင်းရင်းမြစ်များ

2 Samuele 22:21

“Morena o mputsitse ho ya ka ho loka ha ka, o mpuseleditse ho ya ka ho hloka molato ha ka.

2 Samuele 22:25

Morena o mputsitse ho ya ka ho loka ha ka, hobane o a bona hore ke hlwekile.

1 Marena 13:24

Ha moporofeta eo a ntse a tsamaya, a kopana le tau tseleng, mme ya mmolaya. Setopo sa hae sa rapalla kahara tsela, tonki ya ema pela sona, le tau ya ema pela sona.

Diproverbia 12:1

Ya ratang ho lauwa o rata tsebo, ya hloileng ho kgalengwa ke phoofolo ya naha;

Diproverbia 13:21

Bobe bo salama baetsadibe, ba lokileng bona ba putswa ka tse molemo.

Diproverbia 26:10

Jwaloka rametsu ya fulang a sa shebe, ya hirang sethoto kapa mofeta-ka-tsela, o jwalo.

Isaia 13:11

Lefatshe ke tla le otla, ke le otlele bokgopo ba lona, ba kgopo le bona ke ba otle, ke ba otlele dibe tsa bona, boikakaso ba ba itjang ke bo fedise, boikgohomoso ba bompodi ke bo kokobetse.

Isaia 3:11

Ho madimabe ba kgopo, hobane koduwa e tla ba wela hodimo, ba putswe ho ya ka mesebetsi ya bona.

Jeremia 25:29

Bonang, jwale ke qala ho dihela koduwa hodima motse ona o bitswang ka lebitso la ka; ebe na lona le ke ke la otlwa ho hang? Le tla otlwa, hobane baahi bohle ba lefatshe ke tla ba bolaya ka sabole,’ ho rialo Morena wa mabotho.

Ezekiele 44:10

“ ‘Ha e le Balevi ba ileng ba emella hole le nna ha Baiseraele ba kgeloha, ba kgeloswa ho nna ke ho latela medingwana ya bona ya bohata, ba tla otlelwa bokgopo boo ba bona.

Hosea 4:9

Jwaloka setjhaba, baprista le bona ba tla otlwa, ke tla ba otla, ke ba otlele metsamao ya bona, ke ba putse ka baka la diketso tsa bona.