Diproverbia 11:3 - BIBELE

³ Ba tshepahalang ba tataiswa ke botshepehi ba bona, ba sa tshepahaleng bona ba timela, ba timetswa ke ho se tshepahale ha bona.

Sesotho 1909/1961 (SO)

³ Bokgabane ba ba lokileng bo tla ba tsamaisa; empa bokgopo ba ba babe bo tla ba timetsa.

Diproverbia 11:3 ပူးပေါင်းရင်းမြစ်များ

Dipesaleme 25:21

Ako ntshireletse hobane ke hloka kodi, ke lokile; hobane ke o lebeletse, Morena.

Dipesaleme 26:1

Pesalema ya Davida. Nkahlolele Morena; metsamao ya ka ha e na kodi, ke a o tshepa, ha ke thekesele.

Diproverbia 11:5

Ho loka ha ba se nang molato ho lokisa tsela tsa bona, ba kgopo ba timetswa ke bokgopo ba bona.

Diproverbia 13:6

Toka e sireletsa ya lokileng, bokgopo bona bo kudupanya baetsadibe.

Diproverbia 19:3

Bothoto ba motho bo timetsa bophelo ba hae, ka pelong ya hae a korotlele Morena.

Diproverbia 2:22

Ba kgopo ba tla fediswa lefatsheng, mahlabaphiyo a timetswe ho lona.

Diproverbia 21:7

Dikgoka tsa ba kgopo di tla ba timetsa, hoba ba hana ho etsa ho lokileng.

Diproverbia 22:12

Mahlo a Morena a fadimehela tsebo, empa o nyopisa polelo tsa ya sa tshepahaleng.

Diproverbia 28:18

Ya phelang ka botshepehi o tla fumana pholoho; ya phelang ka bokgopo yena hanghang o tla timela.

Moeklesia 7:17

Se be kgopo ho tlola moedi, le teng o se ke wa iketsa sethoto; o tla bo shwellang pele ho nako ya hao?

Isaia 1:28

Mahlabaphiyo le baetsadibe ba tla ripitlwa, ba furaletseng Morena ba tla timela.

Numere 31:8

Hara ba bolailweng, dikgosi tsa Bamidiane tse bolailweng e ne e le Efi, le Rekeme, le Sure, le Hure, le Reba, e leng dikgosi tse hlano tsa Bamidiane. Le Bileame, mora wa Beore, ba mmolaya ka sabole.

Johanne 7:17

ha motho a rata ho etsa thato ya ya nthomileng, o tla tseba hore na thuto eo e tswa ho Modimo, kapa ke bua ka bonna.