Diproverbia 11:20 - BIBELE

²⁰ Morena o hloile ba pelo di kgopo, empa o thabela ba metsamao e lokileng.

Sesotho 1909/1961 (SO)

²⁰ Ba pelo di kgopo ke manyala ho Jehova; empa ba metsamao e bokgabane, o kgahlwa ke bona.

Diproverbia 11:20 ပူးပေါင်းရင်းမြစ်များ

1 Dikronike 29:17

Hape ke a tseba, Modimo wa ka, hore o leka pelo ya motho, mme o thabela ho loka. Ha e le nna ke o nyeheletse ka dintho tsena tsohle ka boithaopo, ka pelo ya ka yohle. Jwale ke thabetse le ho bona setjhaba sa hao, se teng mona, se o nyehella ka boithaopo.

Dipesaleme 101:4

Nke ke ka ba le bokgopo, ka le bona ka pelong ya ka, ha ke rate ho tseba letho le lebe.

Dipesaleme 11:7

Morena o lokile, mme o rata tse lokileng; ba pelo di ntle ba tla bona fahleho sa hae.

Dipesaleme 119:1

Ho lehlohonolo ba metsamao e se nang kodi, ba tsamayang ka Molao wa Morena.

Dipesaleme 140:13

Ke a tseba hore Morena o tla emela a emele nyewe ya mohlophehi, a ahlolele le mofutsana.

Dipesaleme 51:6

Ke sitetswe wena, wena o inotshi, ke entse bobe mahlong a hao. Ho loka ha hao ho tla bonahala ha o ahlola, le ho hloka kodi ha hao ha o diha nyewe.

Diproverbia 11:21

Ruri ba kgopo ba tla ahlolwa, ba lokileng bona ba pheme kahlolo.

Diproverbia 12:22

Morena o hloile motho ya buang leshano, empa ya buang nnete yena o a mo thabisa.

Diproverbia 13:6

Toka e sireletsa ya lokileng, bokgopo bona bo kudupanya baetsadibe.

Diproverbia 14:9

Dithoto di tadima sebe e le papadi, ba lokileng ba tseba molemo wa poelano.

Diproverbia 15:26

Mehopolo ya ya kgopo ke manyala ho Morena, polelo tsa ya lokileng tsona di kgahlisa Morena.

Diproverbia 15:8

Mahlabelo a ya kgopo ke manyala ho Morena, empa thapelo ya ya lokileng e a mo kgahla.

Diproverbia 16:17

Tsela ya ba lokileng e kgeloha bobe, ya e hlokomelang o baballa bophelo ba hae.

Diproverbia 21:29

Ya kgopo o sosobanya sefahleho, ya lokileng o hlokomela metsamao ya hae.

Diproverbia 3:32

Morena o hloile ya sothang nnete, empa ya lokileng yena o a mo tshepa.

Diproverbia 6:14

o rera thetso ka pelong ya hae, kamehla o jala moferefere.

Diproverbia 8:13

Ho tshaba Morena ke ho hloya bobe, ke hloile boikgohomoso, ke hloile le boikakaso, boitshwaro bo bobe le leshano le tsona ke di hloile.

Diproverbia 9:7

“Ya layang mosomi o ipiletsa mahlapa, ya kgalemang ya kgopo o ipiletsa ho tlontloloha.