Diproverbia 11:17 - BIBELE

¹⁷ Monna ya mohau o iketsetsa tse molemo, athe ya sehloho yena o a itshitelwa.

Sesotho 1909/1961 (SO)

¹⁷ Motho ya molemo o etsetsa moya wa hae molemo; empa ya lonya o itshenya mmele.

Diproverbia 11:17 ပူးပေါင်းရင်းမြစ်များ

Jobo 20:16

O tla mokonyetsa bohloko ba bo-marabe, dikwetsepe tsa qowane tsona di mmolaye.

Diproverbia 15:27

Ya meharo o tlisetsa lapa la hae tsietsi, ya hloileng tjotjo yena o tla phela.

Diproverbia 22:9

Motho ya fanang a thabile o tla hlohonolofatswa, hobane yena o fepa mafutsana.

Moeklesia 4:8

Motho ya mong to! ka monwana, ke eo, ha a na mora, ha a na ngwanabo, o sebetsa ka thata a sa kgaotse, le yena ka boyena ha a kgotsofalle leruo la hae. Jwale o a ipotsa: “Ke sebeletsa mang, ha ke itima tsa boithabiso?” Le hona ke lefeela, ke ho sebeletsa lelea!

Isaia 57:1

Batho ba lokileng ba a timela, ha ho le ya mong ya keng a nahane hona; ba nang le tumelo le bona ba a fediswa, ha ho ya utlwisisang hona: Ba lokileng ba balehisetswa bobe bo tlang.

Daniele 4:27

Ka baka leo, wena kgosi, ako amohele keletso ya ka, o furalle dibe tsa hao ka ho etsa ho lokileng, le bokgopo ba hao ka ho hauhela mafutsana; mohlomong o ka phela halelele ka boiketlo.”

Mattheu 5:7

Ho lehlohonolo ba mohau, hobane ba tla hauhelwa.

Luka 6:38

fanang, mme le tla fuwa: mekotlaneng ya lona le tla tshellwa haholo, e hlohlwe, e hlokohlwe, e sasamale, hobane le tla lekanyetswa ka tekanyo eo le lekanyang ka yona.”

BaFilipi 4:17

Hase hobane ke batla dimpho, empa seo ke se batlang ke hore mosebetsi wa lona o behe ditholwana.

Jakobo 2:13

Ya hlokileng mohau o tla ahlolwa ho se mohau, empa ya bileng mohau ha a tshabe ho ahlolwa.