Diproverbia 10:9 - BIBELE

⁹ Motho wa nnete o tsamaya a sireletsehile, ya se nang nnete, yena o tla senolwa.

Sesotho 1909/1961 (SO)

⁹ Ya tsamayang ka ho loka o tsamaya ka kgotso; empa ya kgopamisang metsamao ya hae o a tsebahala.

Diproverbia 10:9 ပူးပေါင်းရင်းမြစ်များ

Genese 17:1

Ha Aborame a ena le dilemo tse mashome a robong a metso e robong, Morena a iponahatsa ho yena, a re: “Ke nna Modimo ya matla wohle; nkgahlise ka metsamao ya hao, mme o hloke kodi.

Jobo 8:20

“Modimo a ke ke a lahla ya se nang molato, kapa a thusa ba etsang bokgopo;

Dipesaleme 23:4

Leha nka tsamaya kgohlong e lefifi, nke ke ka tshaba bobe, hobane o na le nna, lere la hao le molamu wa hao di a nkgothatsa.

Dipesaleme 25:21

Ako ntshireletse hobane ke hloka kodi, ke lokile; hobane ke o lebeletse, Morena.

Dipesaleme 84:11

Letsatsi le le leng le hlolwang mabaleng a hao, le molemo ho feta a sekete a hlolwang hosele. Ke rata ho ba monyako wa ntlo ya Modimo wa ka, ho ena le ho phela metlotlwaneng ya ba kgopo.

Diproverbia 17:20

Motho ya pelo e kgopo ha a atlehe; ya leme le tletseng thetso o tla timela.

Diproverbia 26:26

Leha lehloyo la hae le ka ikgakanya ka thetso, bokgopo ba hae bo tla taloleha mahlong a bohle.

Diproverbia 28:1

Ya kgopo o baleha a sa phaladiswe ke motho, ba lokileng bona ba sebete jwaloka tau.

Diproverbia 28:18

Ya phelang ka botshepehi o tla fumana pholoho; ya phelang ka bokgopo yena hanghang o tla timela.

Diproverbia 3:23

O tla tsamaya o sireletsehile, leoto la hao le ke ke la kgoptjwa.

Mattheu 10:26

“Ka baka leo, le se ke la ba tshaba, hobane ha ho letho le kwahetsweng le ke keng la kwahollwa, le le patilweng le ke keng la tsejwa.

1 Bakorinthe 4:5

Ka baka leo, le se ke la ahlola e eso be nako, Morena a eso kgutle, e leng yena ya tla senola tse lefifing, a pepese merero ya dipelo tsa batho. Ke moo e mong le e mong a tla fumana thoriso e mo lokelang ho Modimo.

1 Timothea 5:25

Ka mokgwa o jwalo le mesebetsi e metle e pepeneneng; athe le e seng jwalo e ke ke ya nna ya pateha.