Diproverbia 10:22 - BIBELE

²² Hlohonolo la Morena le entsha motho, ha ho maswabi ao le a tlisang.

Sesotho 1909/1961 (SO)

²² Lehlohonolo la Jehova le entsha motho, hase mokgathala wa hae o mo ekeletsang leruo.

Diproverbia 10:22 ပူးပေါင်းရင်းမြစ်များ

Genese 12:2

“Ke tla o etsa setjhaba se seholo, ke o hlohonolofatse, ke tumise lebitso la hao, mme ba bang ba tla hlohonolofala ka wena.

Genese 13:2

Aborame o ne a ruile mehlape e mengata, le silefera, le kgauta.

Genese 14:23

hore nke ke ka nka kgwele, leha e le leqhwele la seeta; le hore nke ke ka nka letho leo e leng la hao, esere wa re: ‘Ke ruisitse Aborame.’

Genese 24:35

Morena o hlohonolofaditse monga ka haholo, o mo entse hore e be morui. O mo file mehlape ya dinku le ya dikgomo, le silefera le kgauta, le bahlanka le makgabunyane, le dikamele le ditonki.

Genese 26:12

Isaka a lema naheng eo, mme ka sona selemo seo a kotula halekgolo. Morena a mo hlohonolofatsa,

Genese 26:13

mme ya eba morui, a nna a tswela pele ho atleha, ho fihlela e eba morui e moholo ka ho fetisisa.

1 Marena 21:19

O tle o fihle o re ho yena: ‘Morena o bua tjena: Na o fela o bolaile Nabote, o bile o inketse tshimo ya hae?’ O boele o re ho yena: ‘Morena o bua tjena: Hona moo, moo dintja di ileng tsa qaphela madi a Nabote hona teng, le wena madi a hao di tla a qaphela hona teng.’ ”

1 Dikronike 4:10

Jabese a ipiletsa ho Modimo wa Iseraele, a re: “Ke a o rapela: O ke o ntlohohonolofatse, o nkekeletse naha, o mpaballe, o ntshireletse, mme ke se ke ka hlokofatswa.” Modimo a mo nea seo a se kopileng.

2 Dikronike 25:9

Yaba Amasiya o re ho moporofeta wa Modimo: “Jwale re tla etsa jwang ka silefera e etsang boima ba dikilo tse dikete tse tharo le makgolo a mane, eo re seng re lefile lebotho la Iseraele ka yona?” Moporofeta wa Modimo a araba, a re: “Morena a ka o nea e ngata ho feta ena.”

2 Dikronike 32:27

Hesekiya o ne a ruile haholo, mme a tlotleha haholo. A haha matlo ao ka ho wona ho bolokwang silefera, le kgauta, le mahakwe a bohlokwa, le dinoko, le dithebe, le dintho tsohle tseo motho a ka lakatsang ho ba le tsona.

2 Dikronike 32:29

A ikgahela metse, a ba le mehlape e mengata ya dikgutshwane, le ya dikgomo, hobane Modimo o ne a mo file maruo a mangata.

Dipesaleme 107:38

A ba hlohonolofatsa, ba ngatafala haholo, a ba atisetsa leruo la diphoofolo.

Dipesaleme 127:2

Ke lefeela ha le tsoha kameso, kapa le dieha ho robala, le itjella bohobe boo le bo fumanang ka thata, athe yena o fa baratuwa ba hae ba ntse ba ithobaletse.

Dipesaleme 37:22

Bao Morena a ba hlohonolofaditseng lefatshe e tla ba lefa la bona; bao a ba rohakileng ba tla fediswa.

Diproverbia 14:24

Meqhaka ya ba bohlale ke maruo a bona, bothoto ba dithoto bona bo tswala bothoto.

Diproverbia 20:21

Leruo le bokellwang ka potlako sethathong, qetellong le ke ke la hlohonolofatswa.

Diproverbia 28:22

Ya mahlo a matsho o potlakela leruo, ha a nahane le hore bofuma bo tla mo wela hodimo.

Diproverbia 8:21

Ba nthatang ke ba abela lefa, matlole a bona ke a tlatse, a be mohlohlo.

Daniele 1:15

Kamora matsatsi a leshome ba ne ba tadimeha ba kgahleha, ba shahlile ho feta bahlankana bohle ba neng ba feptjwa dijo tse jewang ke kgosi.

Sakaria 5:4

Morena wa mabotho o bua tjena: ‘Thohako ena ke tla e romella. E tla kena ka tlung ya leshodu, e kene le ka tlung ya ya hlapanyang ka leshano ka lebitso la ka. E tla kena ka tlung ya hae, e funtsolle marulelo a yona, e heletse le marako a yona.’ ”

Deuteronoma 26:10

Jwale bona, ke tlisitse dilopotsiya tse tswang mobung oo o nneileng wona, Morena.’ O tla di bea fatshe, kapele ho Morena Modimo wa hao, o mo kgumamele.

Deuteronoma 28:11

Morena o tla o atlehisa haholo ka ho atisa bana ba hao, le manamane a dikgomo tsa hao, le ditholwana tsa masimo a hao, naheng eo Morena a e hlapanyeditseng bo-ntatao hore o tla o nea yona.

Joshua 6:18

Feela lona le itlhokomele, le kgese tse rohakehileng, esere ka ho nka dintho tseo tse rohakehileng la itlisetsa thohako, la tlisetsa le diahelo tsa Baiseraele thohako le tsietsi.