Diproverbia 10:16 - BIBELE

¹⁶ Mesebetsi ya ba lokileng e ba tlisetsa bophelo, empa ya ba kgopo e ba hulela sebeng.

Sesotho 1909/1961 (SO)

¹⁶ Ya lokileng o sebeletsa ho phela, empa ya sa lokang o ruela sebe.

Diproverbia 10:16 ပူးပေါင်းရင်းမြစ်များ

Diproverbia 11:30

Tholwana ya ho loka ke sefate sa bophelo, ya bohlale yena o hapa meya ya batho.

Diproverbia 21:21

Ya thahasellang ho loka le lerato o tla fumana bophelo le toka le tlotla.

Mattheu 15:19

hobane pelong ho tswa mehopolo e kgopo: polao ya sehloho, bofebe, bohlola, boshodu, bopaki ba leshano le diketseletso.

Johanne 6:27

Le se ke la sebeletsa dijo tse senyehang, empa le sebeletse dijo tse hlolang ho isa bophelong bo sa feleng, tseo Mora Motho a tla le nea tsona, hobane Modimo Ntate o mo neile matla.”

Baroma 6:23

Moputso wa sebe ke lefu, empa mpho ya mohau, ya Modimo, ke bophelo bo sa feleng ho Kreste Jesu, Morena wa rona.

1 Bakorinthe 15:58

Ka baka leo, bana beso ba ratehang, le tiye, le se ke la thekesela, le nne le sebeletse Morena ka mesebetsi e mengatangata kamehla, le ntse le tseba hore mofufutso wa lona hase wa lefeela pela Morena.

2 Timothea 3:13

Ha e le batho bao ba kgopo, ba mamenemene, bobe ba bona bo tla nne bo tote, ba thetse ba bang, le bona ba thetsehe.

BaHebheru 6:10

Modimo ha a hloke toka hoo a ka lebalang mosebetsi wa lona, le lerato leo le le bontshitseng ho yena ka ho sebeletsa badumedi, bao le sa ntseng le ba sebeletsa le jwale.