Diproverbia 10:11 - BIBELE

¹¹ Polelo tsa ya lokileng ke diba sa bophelo, athe tsa ya kgopo tsona di kwetlile bosoro.

Sesotho 1909/1961 (SO)

¹¹ Molomo wa motho ya lokileng ke sediba sa bophelo; empa lonya le kwahetse molomo wa ya sa lokang.

Diproverbia 10:11 ပူးပေါင်းရင်းမြစ်များ

Dipesaleme 107:42

Ba pelo di ntle ba bona hoo, mme ba thaba, empa ba kgopo bona ba thijwa melomo.

Diproverbia 10:32

Ya lokileng o bua puo tse thabisang, athe ya kgopo o tseba ho sokamisa ditaba.

Diproverbia 10:6

Mahlohonolo a aparela ba lokileng, polelo tsa ya kgopo di kwetlile bosoro.

Diproverbia 13:14

Thuto ya ya bohlale ke sediba sa bophelo, e phemisa motho maraba a lefu.

Diproverbia 15:4

Leme le thabisang ke fate sa bophelo, empa le thetsang le senya pelo ya motho.

Diproverbia 15:7

Molomo wa ya bohlale o jala tsebo, pelo ya ya sethoto yona e mpe.

Diproverbia 18:4

Dipolelo tsa motho di ka bodiba, mohlodi wa bohlale e ka diba se runyarunyang.

Diproverbia 20:15

Kgauta e teng le mabenyane a bohlokwa a teng, empa molomo o bolelang tsebo ke lehakwe la bohlokwa.

Baefese 4:29

Mahlapa a se ke a tswa melomong ya lona, ho mpe ho tswe dipolelo tse molemo, tse ka thusang ho matlafatsa ba di utlwang, le ho ba tlisetsa lehlohonolo.