Diproverbia 10:1 - BIBELE

¹ Ana ke maele a Solomone: Ngwana ya bohlale o thabisa ntatae, ngwana ya sethoto ke masisapelo ho mmae.

Sesotho 1909/1961 (SO)

¹ Diproverbia tsa Salomone. Ngwana ya hlalefileng ke thabiso ho ntatae; empa ngwana ya lewatla ke mapalesapelo ho mmae.

Diproverbia 10:1 ပူးပေါင်းရင်းမြစ်များ

1 Marena 4:32

Solomone a qapa maele a dikete tse tharo; difela tsona tsa eba sekete le metso e mehlano.

Diproverbia 1:1

Ana ke maele a Solomone, mora wa Davida, kgosi ya Iseraele,

Diproverbia 13:1

Mora ya bohlale o mamela thuto ya ntatae, empa moikakasi ha a natse kgalemo.

Diproverbia 15:20

Ngwana ya bohlale o thabisa ntatae, empa sethoto sona se nyedisa le mma sona.

Diproverbia 17:21

Ya tswalang sethoto o itswalla ditsietsi, ntata sethoto o hloka thabo.

Diproverbia 17:25

Mora ya sethoto o tlisa masisapelo ho ntatae, bohloko ba pelo ya mmae bo baba seka leshokgwa.

Diproverbia 19:13

Mora ya sethoto o tlisetsa ntatae koduwa, komang tsa mosadi di ka metsi a rothang, ho ya ho ile ha pula e na.

Diproverbia 25:1

Ana le wona ke maele a Solomone, ao banna ba Hesekiea, kgosi ya Juda, ba ileng ba a bokella, ba a ngola:

Diproverbia 27:11

Mora ka, hlalefa, o thabise pelo ya ka, ke tle ke arabe motho ya nnyatsang.

Diproverbia 29:15

Thupa le kgalemo di tlisa bohlale, empa ngwana ya tlohetsweng feela, o hlabisa mmae dihlong.

Diproverbia 29:17

Kgalema mora wa hao, o tla fumana phomolo, le moya wa hao o nyakalle.

Diproverbia 29:3

Ya ratang bohlale o thabisa ntatae, ya mathang le diotswa o hafaka leruo la hae.

Moeklesia 12:9

Moruti o ne a sa hlalefa feela, empa o ne a bile a ruta batho tseo a di tsebang. O ile a nahana, a fuputsa, mme a hlophisa maele a mangata.

Moeklesia 2:19

Ke mang ya tsebang haeba eo o tla ba bohlale kapa e be sethoto? Leha ho le jwalo o tla laola mesebetsi yohle eo ke e entseng mona lefatsheng ka matla a ka le ka bohlale ba ka. Hona le hona ke lefeela.