Dipesaleme 97:11 - BIBELE

¹¹ Lesedi le tjhabela ya lokileng, thabo ke ya ba pelo di ntle.

Sesotho 1909/1961 (SO)

¹¹ Lesedi le jaletswe ya lokileng, thabo e neilwe ba pelo e lokileng.

Dipesaleme 97:11 ပူးပေါင်းရင်းမြစ်များ

Esthere 8:16

Bajuda ba hlahelwa ke lesedi, le thabo, le nyakallo, le tlotla.

Jobo 11:17

Bophelo ba hao bo tla hlaka ho feta motsheare, fifi la bona le tshwane le tsatsi le tjhaba.

Jobo 22:28

Merero yohle ya hao e tla atleha, sedi le kgantshetse tsela tsa hao;

Dipesaleme 112:4

Ho ba pelo di ntle o ka lesedi le tjhabang lefifing; o mosa, o na le kutlwelobohloko, hape o lokile.

Dipesaleme 18:28

Ke wena ya pholosang setjhaba se hlophehileng, empa o kokobetsa baikgohomosi.

Dipesaleme 68:4

Empa ba lokileng ba a thaba, ba nyakallela Modimo, ba tlale thabo.

Diproverbia 4:18

Tsela ya ba lokileng e ka mafube a meso, kganya ya yona e eketseha, ho fihlela hara mpa motsheare.

Isaia 58:8

“Jwale sedi la hao le tla hlaha, le hlahe jwaloka mafube a meso, ho fola ha hao le hona ho akofe, ho loka ha hao ho tla o etella pele, tlotla ya Morena e sireletse serao sa hao.

Isaia 62:1

Ka baka la Sione ha nka ke ka kgutsa, ka baka la Jerusalema ha nka ke ka phomola, ho fihlela ho loka ha yona ho kganya ho kganya sa mafube a meso, topollo ya yona e tshwana le lebone le tukang.

Mikea 7:9

Ke sitetswe Morena, ke entse sebe, kahoo kgalefo ya Morena ke tla e mamella, ke e mamelle ho fihlela a ntwanela, a ntwanela, a nnea tokelo ya ka. Morena o tla nkisa, a nkise kganyeng ya hae, teng ke bone ho loka ha hae.

Johanne 12:46

Nna ke tlile lefatsheng ke le lesedi, hore mang le mang ya dumelang ho nna a se ke a ba lefifing.

Bagalata 6:8

Ya jalang tshimong ya tsa botho o tla kotula ho bola ho yona, empa ya jalang tshimong ya tsa Moya, o tla kotula bophelo bo sa feleng ho yona.

Tshenolo 21:23

Motse ha o hloke letsatsi kapa kgwedi ho o bonesetsa, hobane tlotla ya Modimo e a o kgantshetsa, mme lebone la wona ke Konyana.

Tshenolo 22:5

Ha ho sa tla ba le bosiu; ha ba sa tla hloka lesedi la lebone kapa lesedi la letsatsi, hobane Morena o tla ba bonesetsa, mme ba tla busa kamehla le mehla.