Dipesaleme 89:27 - BIBELE

²⁷ O tla re ho nna: ‘O ntate, wena Modimo wa ka, lefika le mpholosang.’

Sesotho 1909/1961 (SO)

²⁷ Mme nna ke tla mmea letsibolo la ka, le ya phahamileng hara marena a lefatshe.

Dipesaleme 89:27 ပူးပေါင်းရင်းမြစ်များ

2 Samuele 22:47

“Morena o a phela! Ho bokwe Lefika la ka! Modimo, Mopholosi wa ka, a ke a thoholetswe!

2 Samuele 7:14

Ke tla ba ntatae, mme yena e be mora wa ka, empa haeba a ka etsa bokgopo, ke tla mo otla ka thupa e kgalemelang bana, le ka meupa eo batho ba e shapang bana ba bona.

2 Dikronike 1:12

ke o nea bohlale, le tsebo. Ke tla be ke o nee le matlotlo, le tlotla, e leng tseo ho eso be le kgosi e kileng ya eba le tsona pele ho wena, kapa e tla ba le tsona kamorao ho wena.”

Dipesaleme 2:7

Yona e re: “A nke ke phatlalatse taelo ya Morena. “O itse ho nna: ‘O mora wa ka; kajeno ke o tswetse.

Dipesaleme 71:3

Eba lehaha leo ke tshabelang ho lona, leo nka tshabelang ho lona kamehla; o se o laetse hore ke pholoswe, wena lefika la ka le qhobosheane ya ka.

Dipesaleme 72:11

Dikgosi tsohle di itihe kapele ho yena, ditjhaba tsohle di mo sebeletse.

Eksoda 4:22

Wena o tla bua le Faro, o re Morena o bua tjena, o re: ‘Iseraele ke mora wa ka wa letsibolo.

Isaia 49:7

Morena, Molopolli wa Iseraele, yena Ya Halalelang, o bua tjena ho mohlanka wa babusi, ho ya ileng a nyediswa, a nyonywa ke ditjhaba: “Kgosi di tla o bona, di eme ka maoto, mahosana le wona a tla o obamela, ka baka la Morena, yena ya tshepahalang, Ya Halalelang wa Iseraele, ya o kgethileng.”

Numere 24:7

Metsi a phalla dinkgong tsa hao, peo ya hae e tla ba metsing a mangata, kgosi ya hae e tla ba kgolo ho feta Akake, mmuso wa hae o tla phahamiswa.

Baroma 8:29

Bao a ba tsebileng e sa le pele, o ba kgethile e sa le pele hore ba tshwane le Mora wa hae, e le hore Mora e be letsibolo hara bana ba bangata ba Modimo.

Deuteronoma 32:15

“Jakobo a ja, a kgora, Jeshurune a nona, a ba a penya, a lahla Modimo e le Mmopi wa hae, a nyedisa Fika le mo pholositse.

BaKolose 1:15

Kreste ke setshwantsho sa Modimo ya sa bonweng. Ke yena Letsibolo, ya bileng teng pele ho tsohle tse hlodilweng.

BaKolose 1:18

Hape ke yena hlooho ya mmele, e leng kereke. Ke yena qaleho, ke yena wa pele ya tsohileng bafung, e le hore, dinthong tsohle, e tle e be yena wa pele.

Tshenolo 19:16

Hodima seaparo sa hae, le hodima serope sa hae, ho ngotswe lebitso lena: “Kgosi ya dikgosi, le Morena wa marena.”

Tshenolo 21:24

Ditjhaba di tla tsamaya leseding la wona, le dikgosi tsa lefatshe di tla o tlisetsa maruo a tsona.