Dipesaleme 88:5 - BIBELE

⁵ Ke se ke balellwa hara ba theohelang lebitleng, ke feletswe ke matla ho hang.

Sesotho 1909/1961 (SO)

⁵ ke ya lahlilweng hara bafu; ke jwaloka babolauwa ba robetseng lebitleng, bao o sa hloleng o ba hopola, ba kgaohaneng le wena.

Dipesaleme 88:5 ပူးပေါင်းရင်းမြစ်များ

Genese 19:29

Ha Modimo a ripitla metse eo e phuleng, Modimo a hopola Aborahama; a ntsha Lota koduweng eo, ha a ne a ripitla metse eo Lota a neng a ahile ho yona.

Genese 8:1

Modimo a hopola Nowe, le diphoofolo tsohle tse hlaha, le makgomo wohle a neng a ena le yena ka arekeng. Jwale Modimo a fokisa moya hodima lefatshe, mme metsi a bohlela.

Jobo 11:10

“Ha a ka o tshwara, a o isa tjhankaneng, a o qosa ka kgotla, a ka hanyetswa ke mang?

Jobo 17:1

“Moya wa ka o tetebetse, matsatsi a ka a kgutsufetse, bitla le lona le nkemetse.

Jobo 6:9

Modimo a kgahlwa ke ho mphetshela, a nkisa letsoho, a ntimetsa.

Dipesaleme 136:23

Ke yena ya ileng a re hopola ha re ne re kokobeditswe; mohau wa hae ke wa kamehla yohle.

Dipesaleme 28:1

Pesalema ya Davida. Ke ipiletsa ho wena Morena; Lefika la ka, ntshekehele tsebe, esere ha o sa mmamele, ka ba jwaloka ba theohelang, ba theohelang lebitleng.

Dipesaleme 31:12

Nna ke sekgobo ho dira tsa ka tsohle, haholoholo ho bao ke ahisaneng le bona, ke koko ho metswalle ya ka, ba mponang ditseleng ba a mpaleha.

Dipesaleme 31:22

Ho bokwe Morena ya mpontshitseng mohau, ya mpontshitseng mohau o hlollang, ha ke ne ke dikilwe, ke futuhetswe.

Dipesaleme 88:16

Esale ke le madimabe, ke batla ke eshwa, ho tloha botjheng ba ka; ke jere kotlo tsa hao tse tshabehang, ke tsiapane.

Isaia 53:8

A kgannwa ka dikgoka, a ahlolwa ntle ho toka, ba leloko la hae ba se ke ba mo natsa. A tloswa hara ba phelang ba fatshe lena, a bolawa ka baka la makgopo a tjhaba sa ka.

Ezekiele 37:11

Jwale Morena a re ho nna: “Wena ngwana motho, masapo ana a tshwantsha bohle ba ntlo ya Iseraele. Ha ba bua ba re: ‘Masapo a rona a omeletse, re feletswe ke tshepo, re timeletswe.’