Dipesaleme 86:14 - BIBELE

¹⁴ Modimo, baikakasi ba ntsohetse matla, sehlopha sa ba sehloho se batla bophelo ba ka, ha ba na taba le wena.

Sesotho 1909/1961 (SO)

¹⁴ Oho Modimo, baikakasi ba mpokanetse, letshwele la batho ba tshabehang le batla bophelo ba ka; ha ba ka ba o bea pela mahlo a bona.

Dipesaleme 86:14 ပူးပေါင်းရင်းမြစ်များ

2 Samuele 16:20

Jwale Abosalome a re ho Ahitofele: “Ako re eletse hore na re etse jwang.”

2 Samuele 17:14

Yaba Abosalome le banna bohle ba Iseraele, ba re: “Keletso ena ya Hushai wa Moareke e ntle ho feta keletso ya Ahitofele.” Morena o ne a rerile hore keletso e ntle ya Ahitofele e nyope, e le hore Morena a tle a dihele koduwa hodima Abosalome.

Dipesaleme 10:11

Ka pelong ya kgopo o re: “Modimo o a lebala, o ipatile sefahleho, a ke ke a bona letho le kgale.”

Dipesaleme 10:13

Ya kgopo o nyedisetsang Modimo, ka pelong ya hae a re: “A ke ke a phetetsa?”

Dipesaleme 10:4

Ya kgopo o swenya dinko, o re: “Modimo ha a phetetse, ha ho na Modimo.” Ke phetho seo a se nahanang.

Dipesaleme 119:51

Baikgohomosi ba ntlaka haholo, empa ha ke furalle Molao wa hao.

Dipesaleme 119:69

Le hoja baikgohomosi ba nneta ka leshano, ke tla boloka ditaelo tsa hao, ke di boloke ka pelo ya ka yohle.

Dipesaleme 119:85

Baikgohomosi ba ntjheketse mamena; bona ba sa yeng ka Molao wa hao.

Dipesaleme 14:4

Na baa bohle ha ba na tsebo, baa ba etsang tse sa lokang, baa ba itjellang setjhaba sa ka, jwalokaha ba eja bohobe, ba sa ipiletse ho Morena?

Dipesaleme 140:5

Morena, ako nnamolele, o nnamolele diatleng tsa ba babe, o ntshireletse ho batho ba sehloho, ba rerang hore ke kgothometsehe.

Dipesaleme 36:1

Pesalema ya Davida, mohlanka wa Morena, e qapetsweng motsamaisi wa dibini.

Dipesaleme 36:11

O nne o be mohau ho ba o tsebang, o nne o sitse ba pelo di ntle ka ho loka ha hao.

Dipesaleme 54:3

Oho, Modimo, ako mpholose, mpholose ka baka la lebitso la hao, o nkahlolele ka matla a hao.

Dipesaleme 54:5

Baikakasi ba ntsohetse matla, ba sehloho ba batla bophelo ba ka, ha ba na taba le Modimo.

Ezekiele 8:12

Morena a re ho nna: “Wena ngwana motho, na o bone seo e mong le e mong wa baholo ba ntlo ya Iseraele a se etsang mafifing, ka kamoreng ya modingwana wa hae? “Ba re: ‘Morena ha a re bone! Morena o furaletse lefatshe!’ ”

Ezekiele 9:9

Jwale Morena a re ho nna: “Bokgopo ba ntlo ya Iseraele le ba ntlo ya Juda bo boholo haholo. Naha e tletse dipolao, toka ha e yo motseng ona. Ba re: ‘Morena o furaletse naha ena; Morena ha a bone.’