Dipesaleme 78:59 - BIBELE

⁵⁹ Ha Modimo a bona hoo, a halefa; a lahla Iseraele ho hang.

Sesotho 1909/1961 (SO)

⁵⁹ Modimo ha o bona hoo, wa halefa haholo, wa tenwa hampe ke Iseraele.

Dipesaleme 78:59 ပူးပေါင်းရင်းမြစ်များ

Dipesaleme 106:40

Morena a halefela setjhaba sa hae, a nyonya bao e leng lefa la hae.

Dipesaleme 11:4

Morena o ka tempeleng ya hae e halalelang, terone ya Morena e mahodimong. Mahlo a hae a bona bana ba batho, o a ba tadimisisa, o a ba hlahloba.

KOLI-YA-MALLA 2:7

Morena o lahlile aletare ya hae, Sehalalelo sa hae le sona a se furalla; marako a matlo a kgosi tsa Sione o neelane ka wona matsohong a dira; ka tlung ya Morena dira di entse lerata, lerata le kang la mohla tsatsi la mokete.

Levitike 20:23

Le se ke la latela melao ya ditjhaba tseo ke tla di leleka kapele ho lona, hobane di entse dintho tsena tsohle; kahoo ke ile ka di nyonya.

Levitike 26:44

Empa leha ho le jwalo, ha ba le naheng ya dira tsa bona ha ke na ho ba lahla; ha ke na ho ba hloya hoo nka ba timetsang ho hang, ka ba ka senya selekane sa ka le bona, hobane ke nna Morena Modimo wa bona.

Sakaria 11:8

Ka kgwedi e le nngwe ka bolaya badisa ba bararo, hobane ba ne ba ntenne, ba se ba ntlhoile.

Deuteronoma 32:19

“Morena a bona hona, mme a ba nyonya, a lahla bara le baradi ba hae.