Dipesaleme 71:15 - BIBELE

¹⁵ Molomo wa ka o tla bolela tsa ho loka, o bolele tsa ho loka ha hao, le tsa ho pholosa ha hao kamehla, le hoja nke ke ka tseba ho di bala.

Sesotho 1909/1961 (SO)

¹⁵ Molomo wa ka o tla bolela ho loka ha hao le poloko ya hao ka matsatsi wohle, hobane ha ke tsebe palo ya ditshitso tsa hao.

Dipesaleme 71:15 ပူးပေါင်းရင်းမြစ်များ

1 Dikronike 16:23

Lona ba lefatshe lohle le ke le binele Morena, ka letsatsi le letsatsi le phatlalatse tsa ho pholosa ha hae.

Dipesaleme 145:2

Ke tla o boka ka letsatsi le leng le le leng, ke rorise lebitso la hao kamehla le mehla.

Dipesaleme 30:12

Bofifi ba ka o bo fetotse mohobelo; o ntlhobodisitse thapo, wa nkapesa seaparo sa thabo,

Dipesaleme 35:28

Leleme la ka le tla bolela ho loka ha hao, le o rorise ka matsatsi wohle.

Dipesaleme 40:12

Morena, o se ke wa ntima lerato la hao, mohau wa hao le nnete ya hao di nne di mpoloke ka mehla yohle.

Dipesaleme 40:5

Ho lehlohonolo motho ya tshepang, ya beileng tshepo ya hae ho Morena, ya sa kgemeng le baikakasi, le ba kgeloswang ke mashano.

Dipesaleme 40:6

Morena Modimo wa ka, o re etseditse tse kgolo, e leng mesebetsi ya hao e makatsang, le merero ya hao e makatsang; ha ho ya ka lekanngwang le wena. Ha nka rata ho e bolela le ho e phatlalatsa, e mengata hoo e ke keng ya balwa.

Dipesaleme 51:16

Modimo, Modimo ya mpholosang, ako ntopolle kahlolong ya lefu, leme la ka le tumise ho loka ha hao.

Dipesaleme 71:24

Leleme la ka le tla bolela tsa ho loka, le bolele tsa ho loka ha hao kamehla, ba ntakaletsang bobe ba tlontlolohe, ba tlontlolohe, ba ferekane.

Dipesaleme 71:8

Molomong wa ka ho tletse thoriso ya hao, le tlotliso ya hao kamehla.

Dipesaleme 73:28

Empa ho nna ho ba haufi le Modimo, ke ntho yona e molemo. Ke ikgethetse Morena, Morena wa ka, ho ba setshabelo sa ka, ke tle ke bolele mesebetsi ya hae yohle.

Dipesaleme 89:16

Ho lehlohonolo setjhaba se tsebang ho etsa mehoo ya thabo, se tsamayang kganyeng ya sefahleho sa hao, Morena,

Diproverbia 5:2

o tle o be le tlhalohanyo, molomo wa hao o rue tsebo.

Baahlodi 5:11

Holehole le marata a bo-rametsu, bakeng tseo ho kguwang metsi ho tsona, teng ba tla pheta ketso tse lokileng tsa Morena, ketso tse lokileng tsa babusi ba hae ba Iseraele; jwale tjhaba sa Morena sa theohela kgorong tsa metse.