Dipesaleme 56:13 - BIBELE

¹³ Modimo, dikano tsa ka ho wena di ntlamile; ke tla o nyehella ka mahlabelo a teboho,

Sesotho 1909/1961 (SO)

¹³ Hobane o lwetse bophelo ba ka lefung, o bolokile maoto a ka ho weng, ke tle ke tsamaye pela hao, Modimo, leseding la ba utlwang.

Dipesaleme 56:13 ပူးပေါင်းရင်းမြစ်များ

Genese 17:1

Ha Aborame a ena le dilemo tse mashome a robong a metso e robong, Morena a iponahatsa ho yena, a re: “Ke nna Modimo ya matla wohle; nkgahlise ka metsamao ya hao, mme o hloke kodi.

Jobo 33:30

hore a phemise motho ho theohela lebitleng, sedi la bophelo le tle le mmonese.

Dipesaleme 145:14

Morena o tshehetsa bohle ba wang, o phahamisa bohle ba kgokgopaneng.

Dipesaleme 17:5

Mehato ya ka e latetse mehlala ya hao, maoto a ka ha a a ka a kgothometseha.

Dipesaleme 49:15

Ba kgannelwa Nqalong ya Bafu jwaloka dinku; lefu e tla ba modisa wa bona. Ba tla theohela lebitleng, sebopeho sa bona se tla senyeha; Nqalo ya Bafu e tla ba leaho la bona.

Dipesaleme 94:18

Moo ke reng: “Leoto la ka le a thella,” mohau wa hao o a ntshehetsa, Morena.

Isaia 2:5

Lona ba ntlo ya Jakobo tloong, a re tsamayeng seding la Morena.

Isaia 38:3

“Oho, Morena, ke a o kopa: Ako hopole kamoo ke o sebeleditseng kateng ka botshepehi, le ka pelo e se nang mano, mme ka etsa tse lokileng mahlong a hao.” Yaba Hesekiya o lla habohloko.

Levitike 23:38

Tsena ke tse kathoko ho mekete ya Disabatha tsa Morena, le dimpho tsa lona, le dikano tsa lona, le dinyehelo tsa lona tsa boithaopo, tseo le di abelang Morena.

Johanne 8:12

Jesu a boela a bua le bona, a re: “Ke nna lesedi la lefatshe; ya ntatelang ha a ka ke a tsamaya lefifing, empa o tla ba le lesedi la bophelo.”

2 Bakorinthe 1:10

e leng yena ya re pholositseng kotsing e kaalo ya ho shwa, mme o tla boela a re pholose. Re tshepile hore o tla nne a re pholose,

1 BaThesalonika 1:10

mme le lebelle Mora wa hae ya tla tswa lehodimong, Jesu eo a mo tsositeseng bafung, yena ya tla re phemisa kgalefo e tlang.

BaHebheru 2:15

Ka ho etsa jwalo o lokolotse batho ba neng ba le bokgobeng ba ho tshaba lefu bophelong bohle ba bona.

Jakobo 5:20

tsebang hore eo ya kgutlisitseng moetsadibe tseleng ya hae e fapohileng, o tla mo pholosa lefung, a be a etse hore dibe tse ngatangata di tshwarelwe.

1 Samuele 2:9

O tataisa maoto a bahalaledi ba hae, athe ba kgopo ba tla timella lefifing, hobane motho ha a hlole ka matla a hae.