Dipesaleme 45:14 - BIBELE

¹⁴ Kgosatsana e kena e le Seilatsatsi, aparo tsa yona di homilwe ka kgauta;

Sesotho 1909/1961 (SO)

¹⁴ O iswa ho morena hodima diphate tse mebalabala; thaka tsa hae tsa barwetsana di tla ho wena kamora hae,

Dipesaleme 45:14 ပူးပေါင်းရင်းမြစ်များ

Eksoda 27:16

“Monyakong wa seotlwana ho tla ba le lesira le bolelele ba dimethara tse robong, le entsweng ka lesela le leputswa, le le perese, le le lefubedu, le la lene le loehileng, le entsweng ke sehomi. Lesira le be le ditshiya tsa lona tse nne, le ditshehetso tsa tsona di be nne.

Eksoda 28:39

“O etse seaparo se fihlang maotong ka lesela le lene, le katiba o e etse ka lesela le jwalo, o be o etse le leqhama le homilweng.

Sefela sa Salomone 2:7

Lona baradi ba Jerusalema ke a le laya, ke le laya ka ditshepe le ka dikgama tsa naha: Le se tsose moratuwa wa ka kapa la mo sisinya, ho fihlela yena a ka rata ho tsoha.

Sefela sa Salomone 6:1

Moratuwa wa hao o ile kae, wena Seilatsatsi hara basadi ba bang? Moratuwa wa hao o nkile efe tsela, re tle re tsebe ho o batlisa yena?

Sefela sa Salomone 6:13

Kgutla! Kgutla! Mosetsana wa Moshulame! Kgutla! Kgutla! Re tsebe ho o tadima! Le tadimelang mosetsana wa Moshulame, sa ha le tadima mabotho a teanya ditheko?

Sefela sa Salomone 6:8

Mafumahadi a ka ba mashome a tshelela, basadi ba mafielo ya eba mashome a le robedi, barwetsana ya eba boiyane, ntlhokapalo;

Sefela sa Salomone 8:13

Wena ya phelang ka dirapeng, metswalle e mametse ho utlwa o bua; ako bue, le nna ke utlwe ntswe la hao.

Johanne 17:24

“Ntate, bao o nneileng bona, ke rata hore moo ke leng teng le bona ba be hona teng, hore ba bone tlotla ya ka, eo o nneileng yona, hobane o nthatile ho eso thewe lefatshe.

2 Bakorinthe 11:2

Ke le boulela jwalokaha Modimo a le boulela, hobane ke le kgethetse ho nyalwa ke monna a le mong, e leng Kreste, hore ke tle ke le ise ho yena, le le jwaloka morwetsana ya hlwekileng.

Baahlodi 5:30

‘Ba hapile, ba arolelana tsa kgapo, mohlabani ka mong o abelwa morwetsana, kapa o abelwa barwetsana ba le babedi; Sisera o abelwa seaparo se mebala, seaparo se mebala, se homilweng; aparo tse pedi, tse homilweng, tsa molaleng, ke tsa ka!’