Dipesaleme 39:6 - BIBELE

⁶ Bona, matsatsi a ka o a lekantse, o a lekantse ka bophara ba seatla, bolelele ba bophelo ba ka hase letho mahlong a hao. Ruri motho ya phelang ke lefeela.

Sesotho 1909/1961 (SO)

⁶ Efela motho o itsamaela jwaloka seriti, o a dumaduma, o ikgathaletsa ntho e fetang; o ipokellela maruo, mme ha a tsebe hobane a ya jewa ke mang!

Dipesaleme 39:6 ပူးပေါင်းရင်းမြစ်များ

Jobo 14:1

“Motho ya tswetsweng ke mosadi o phela hakgutshwanyane, bophelo ba hae bo aparetswe ke ditsietsi;

Jobo 7:16

Bophelo bona ba ka bo ntenne, nke ke ka phela kamehla yohle; ako ntese, matsatsi a ka ke mouwane!

Jobo 7:7

“Modimo, hopola: Phelo ba ka bo ka moya feela, mahlo a ka ha a ka ke a bona tse molemo hape.

Dipesaleme 127:2

Ke lefeela ha le tsoha kameso, kapa le dieha ho robala, le itjella bohobe boo le bo fumanang ka thata, athe yena o fa baratuwa ba hae ba ntse ba ithobaletse.

Dipesaleme 144:4

Motho o tshwana le lefeela, ditshiu tsa hae di jwaloka moriti o fetang.

Dipesaleme 89:48

Morena, ako hopole bokgutshwanyane ba bophelo, hopola hore batho bohle o ba bopetse lefeela.

Diproverbia 13:22

Monna ya lokileng o siela tloholo tsa hae lefa, leruo la moetsadibe ke lefa la ba lokileng.

Diproverbia 23:5

Ha o re maruo hedi! o tla bona a sa nyametse, hobane a tla fela a mele mapheo, a fofele hodimo sa ntsu, sa ntsu e le sepakapakeng.

Diproverbia 27:24

hobane leruo ha le hlole kamehla yohle, le mofapahlooho wa kgosi ha o fetele melokong yohle.

Moeklesia 1:14

Ke bone mesebetsi yohle e etswang mona lefatsheng, empa kaofela ha yona ke mafeela a tshwanang le ho lelekisa moya.

Moeklesia 11:10

Kahoo fedisa matshwenyeho a pelo ya hao, o hlohlolle tsietsi tsa mmele wa hao, hoba bongwana le botjha ke mafeelafeelane.

Moeklesia 12:13

Tsohle jwale di utlwahetse, mme qetello ya taba ke ena: Tshaba Modimo, o boloke melao ya hae, hoba hona ke tshwanelo yohle ya motho.

Moeklesia 12:8

“Lefeela la mafeela,” ho rialo Moruti, “tsohle ke lefeela!”

Moeklesia 2:26

Modimo o nea motho ya mo kgahlisang bohlale le tsebo le thabo, empa moetsadibe o newa mosebetsi o boima wa ho bokella le ho boloka matlotlo, a tle a a siele ya kgahlisang Modimo. Hona le hona ke lefeela le tshwanang le ho lelekisa moya feela.

Moeklesia 2:8

Ka ipokellela silefera le kgauta, le matlotlo a dikgosi le a dinaha tse pusong ya ka. Ka iphumanela dibini tsa banna le tsa basadi, le dintho tsohle tseo batho ba ka ithabisang ka tsona, le basadi ba bangata.

Moeklesia 5:14

kapa ka bomadimabe ebe le a senyeha, mora hae a qetelle a sa fumana lefa.

Isaia 55:2

Le senyetsang tjhelete ka tseo e seng bohobe? Dintho tse sa kgotsofatseng, keng ha le di sebeletsa ka thata? Mmameleng ka hloko, le je tse molemo, meya ya lona e ithabise ka tse monate.

Luka 12:26

Ha ho le jwalo, ha le sitwa ho etsa le ho honyenyane, le itshwenyetsang ka tse ding na?

Luka 12:29

Lona le se ke la batla seo le ka se jang, le seo le ka se nwang, mme le se ke la belaela,

1 Bakorinthe 7:31

ba phelang ka tsa lefatshe lena e ke ha ba di phelele, hobane mekgwa ya lefatshe lena e a feta.

Jakobo 4:14

Ha le tsebe hore na la hosasane le tla le tlela le eng, kapa bophelo ba lona bo tla ba jwang, hobane le tshwana feela le mohodi, o bonahalang nakwana, o nto nyamela.

Jakobo 5:3

Kgauta le silefera tsa lona di mafoome, mme mafoome a tsona e tla ba bopaki bo le ahlolang, a le je dinama jwaloka mollo. Le ipokelletse matlotlo mehleng ena ya bofelo.

1 Petrose 1:24

hobane: “Batho bohle ba jwaloka jwang, le tlotla yohle ya bona e jwaloka palesa ya jwang. Jwang bo a pona, palesa ya bona e foforehe,

1 Petrose 5:7

Ditsietsi tsohle tsa lona le di rolele ho yena, hobane ke yena ya le baballang.