Dipesaleme 37:23 - BIBELE

²³ Morena ke yena ya tiisang mehato ya batho, mme o kgahlwa ke metsamao ya bona.

Sesotho 1909/1961 (SO)

²³ Jehova o tiisa metsamao ya ya lokileng, o kgahliswa ke tsela ya hae;

Dipesaleme 37:23 ပူးပေါင်းရင်းမြစ်များ

Dipesaleme 119:133

Matlafatsa mehato ya ka ho ya ka tshepiso ya hao, o se dumelle hore ke buswe ke bobe.

Dipesaleme 119:5

Eka nka tiya metsamaong ya ka, ka phetha thato ya hao.

Dipesaleme 121:3

A ke ke a tlohela leoto la hao, a le tlohella ho thella, molebedi wa hao a ke ke a otsela.

Dipesaleme 121:8

Morena o tla o lebela ha o eya le ha o kgutla, ho tloha jwale le kamehla yohle.

Dipesaleme 17:5

Mehato ya ka e latetse mehlala ya hao, maoto a ka ha a a ka a kgothometseha.

Dipesaleme 40:2

Ke ile ka lebella Morena ka mamello; a retelehela ho nna, a mamela sello sa ka.

Dipesaleme 40:3

A nnyolla mokoting wa timelo, tebetebeng ya seretse, a nkemisa hodima lefika, a tiisa mehato ya ka.

Dipesaleme 85:13

Morena o tla fana ka tse molemo, fatshe la rona le be le tjhai e kgolo.

Diproverbia 11:1

Morena o hloile sekala se qhekanyetsang, empa boima bo nepahetseng bona bo a mo thabisa.

Diproverbia 11:20

Morena o hloile ba pelo di kgopo, empa o thabela ba metsamao e lokileng.

Diproverbia 16:9

Motho o itherela tsela ya hae, empa ke Morena ya mo tataisang.

Diproverbia 4:26

Qamaka ka hloko moo o hatang teng, tsela tsohle tsa hao di tle di tsitse.

Jeremia 10:23

Morena, sena ke a se tseba, motho ha a ikgethele tsela ya hae, hase yena ya laolang mehato ya hae.

Jeremia 9:24

empa ya ithorisang a ithorise ka ho re, yena o a nkutlwisisa, o bile o a ntseba; ke nna Morena ya tsebang ho hauhela, ya sebetsang ka toka le ka ho loka lefatsheng, hobane tsena ke tsona tse nthabisang,” ho rialo Morena.

BaHebheru 13:16

Se lebaleng ho ba mosa le ho thusana, hobane ana ke wona mahlabelo a kgahlisang Modimo.

1 Samuele 2:9

O tataisa maoto a bahalaledi ba hae, athe ba kgopo ba tla timella lefifing, hobane motho ha a hlole ka matla a hae.

1 Samuele 29:10

Ka baka lena, o tle o tsohe e sa le ka madungwadungwana le bahlanka ba monga hao ba tlileng le wena, mme hanghang ha ho qala ho ela, o tsamaye.”