Dipesaleme 37:18 - BIBELE

¹⁸ Morena o tseba ditshiu tsa ba hlokang kodi, lefa la bona e tla ba le sa feleng.

Sesotho 1909/1961 (SO)

¹⁸ Jehova o tseba matsatsi a ba lokileng, ba tiiseditswe lefa la bona ka ho sa feleng;

Dipesaleme 37:18 ပူးပေါင်းရင်းမြစ်များ

Dipesaleme 1:6

hobane Morena o tseba tsela ya ba lokileng, athe tsela ya ba kgopo e isa timelong.

Dipesaleme 103:17

Empa mohau wa Morena, ho ba mo tshabang, ke wa kamehla yohle, e se nang qaleho le qetello; le ho loka ha hae ho fihla le ditlohotloholwaneng tsa bona,

Dipesaleme 16:11

O tla mpontsha tsela ya bophelo; thabo e kgaphatsehang e fumanwa ho wena, ho ba ka tsohong la hao le letona ke monyaka o sa feleng.

Dipesaleme 21:4

O kgahlanyeditse kgosi ka mahlohonolo, wa e rwesa mofapahlooho wa kgauta e hlwekisitsweng.

Dipesaleme 31:15

Empa nna ke tshepile wena Morena, ke re: “O Modimo wa ka!”

Dipesaleme 31:7

O hloile ba sebeletsang medimo ya bohata, athe nna ke tshepile Morena.

Dipesaleme 37:13

empa Morena o tsheha ya kgopo, hobane o bona hore tsatsi la hae le a tla.

Dipesaleme 49:5

Ke tla sekehela maele tsebe, ke tla hlalosa selotho sa ka ke ntse ke letsa harepa.

Dipesaleme 73:24

O ntsamaisa ka keletso ya hao, mme qetellong o tla nkamohela ka tlotla.

Diproverbia 2:21

Ba lokileng ba tla phela lefatsheng, ba hlokang kodi ba ahe ho lona.

Isaia 60:21

Tjhaba sa hao sohle e tla ba sa ba lokileng, naha e be lefa la sona la kamehla yohle, e be lehlomela le hlomilweng ke nna, e be mosebetsi wa matsoho a ka, oo ke tlotliswang ka wona.

Mattheu 6:32

Tsena tsohle di labalabelwa ke bahedene; athe Ntata lona ya mahodimong o tseba hore le di hloka tsohle.

Baroma 5:21

Ka baka leo, jwalokaha sebe se ile sa busa ka lefu, ka mokgwa o jwalo mohau o busa ka ho loka ho isang bophelong bo sa feleng, ka Jesu Kreste, Morena wa rona.

Baroma 6:23

Moputso wa sebe ke lefu, empa mpho ya mohau, ya Modimo, ke bophelo bo sa feleng ho Kreste Jesu, Morena wa rona.

Deuteronoma 33:25

Mekwallo ya hae e be ya tshepe le ya lethose, matla a boqhekung a tshwane le a botjheng ba hae.’

2 Timothea 2:19

Leha ho le jwalo, motheo o tiileng, oo Modimo a o entseng, o ntse o tsitsitse, o ngotswe mantswe ana: “Morena o tseba bao e leng ba hae,” le ana: “Bohle ba rapelang Morena ba hlobohe bokgopo.”

1 Johanne 2:25

Seo a re tshepisitseng sona ke sena: Bophelo bo sa feleng.