Dipesaleme 34:18 - BIBELE

¹⁸ Ha ba lokileng ba lla, Morena o a ba utlwa; o ba lopolla matshwenyehong wohle a bona.

Sesotho 1909/1961 (SO)

¹⁸ Jehova o haufi le ba pelo tse robehileng, o thusa ba meya e teteditsweng.

Dipesaleme 34:18 ပူးပေါင်းရင်းမြစ်များ

2 Marena 20:5

“Kgutla, o yo bolella Hesekiya, moetapele wa setjhaba sa ka, o re ho yena: ‘Morena Modimo wa ntataomoholo, Davida, o bua tjena: Ke utlwile thapelo ya hao, mme ke bone meokgo ya hao. Bona, ke tla o fodisa. Ka letsatsi la boraro o tle o nyolohele ka Tempeleng ya Morena.

2 Marena 22:19

Ka baka la hobane eitse ha o utlwa mantswe ao ke a buileng ka sebaka sena le baahi ba sona, a hore se tla fetoha lesupi, se rohakehe, wa hahola diaparo tsa hao, pelo ya hao ya eba bonolo, wa ikokobeletsa Morena, wa ntshela ka dikgapha, le nna ke utlwile thapelo ya hao,’ ho rialo Morena.

Dipesaleme 119:151

Wena Morena, o haufi, mme melao yohle ya hao ke nnete.

Dipesaleme 145:18

Morena o haufi le bohle ba mo rapelang, ba mo rapelang kannete.

Dipesaleme 145:19

O phetha ditakatso tsa ba mo tshabang, o utlwa sello sa bona, mme o a ba pholosa.

Dipesaleme 147:3

O fodisa ba pelo di hlabehileng, o tlamella maqeba a bona.

Dipesaleme 18:7

Makaqabetsing a ka ka ipiletsa ho Morena, ka llela Modimo wa ka hore a nthuse; a utlwa lentswe la ka a le ka tempeleng ya hae, sello sa ka sa fihla tsebeng tsa hae.

Dipesaleme 51:17

Oho, Morena, ako rarolle leleme la ka, molomo wa ka o phatlalatse thoriso ya hao.

Dipesaleme 75:1

Pesalema ya Asafo. Taelo ho motsamaisi wa dibini: E binwe ka mmino wa sefela sa “O se ke wa senya”. Sefela.

Dipesaleme 85:9

A nke ke utlwe seo Morena Modimo a se bolelang, hobane o tla bolella setjhaba sa hae le batshepuwa ba hae tsa kgotso, e le hore ba se ke ba kgutla, ba kgutlela bothotong ba bona.

Isaia 55:6

“Batlang Morena ha a sa ntse a ka fumanwa, ipiletseng ho yena a sa le haufi;

Isaia 57:15

Ya phahameng, ya hodimodimo, yena ya phelang kamehla yohle, eo lebitso la hae le halalelang, o re: “Ke phela bakeng se phahameng, bakeng se halalelang, ya robehileng moya, ke phela le yena, le ya ikokobeditseng ke phela le yena, ke kgothatsa ya ikokobetsang, ke kgothatsa ya robehileng moya.

Isaia 61:1

Moya wa Morena Modimo o hodima ka, hobane o ntlotseditse ho bolella mafutsana, molaetsa o molemo. O nthometse ho thoba pelo tsa ba swabileng, ho phatlalletsa bathopuwa tsa tokoloho, le hore ba tjhankaneng ba tla lokollwa;

Isaia 66:2

Ntho tsena tsohle di entswe ke nna, ka di etsa, mme jwale di teng,” ho rialo Morena. “Ya tjena ke yena eo ke mo ratang: Ya ikokobeditseng, ya moya o robehileng, ya thothomelang ha a utlwa lentswe la ka.

Ezekiele 36:26

Ke tla le nea pelo e ntjha le moya o motjha, ke fedise pelo tse thata sa lejwe tse ka ho lona, ke le nee pelo tse ikokobeditseng.

Ezekiele 36:31

Kahoo le tla hopola metsamao ya lona e mebe le diketso tsa lona tse kgopo, mme le inyonye ka baka la makgopo a lona le manyala a lona.

Luka 4:18

“Moya wa Morena o hodima ka hobane a ntlotseditse ho bolella mafutsana molaetsa o molemo, o nthometse ho phatlalletsa bathopuwa tsa tokoloho, le difofu hore di tla tutuboloha, le ho lokolla ba hateletsweng,