Dipesaleme 34:14 - BIBELE

¹⁴ Tshwara leleme la hao le se bue tse mpe, le molomo wa hao o se bue leshano.

Sesotho 1909/1961 (SO)

¹⁴ sesefa bobe, o etse botle; batla kgotso, o e latelle.

Dipesaleme 34:14 ပူးပေါင်းရင်းမြစ်များ

Jobo 28:28

“Yaba o re ho motho: ‘Ho tshaba Morena ke bona bohlale; ho furalla bokgopo ke yona kutlwisiso.’ ”

Dipesaleme 120:7

Nna ke motho wa kgotso, empa ha ke bua ka kgotso, bona ba batla ntwa.

Dipesaleme 37:27

Furalla bobe, o etse botle, o tle o be le leaho kamehla.

Dipesaleme 39:2

Ke ile ka re: “Ke tla hlokomela metsamao ya ka, ke tle ke se ke ka etsa sebe ka leleme la ka; ke tla tshwara leleme la ka ha ya kgopo a ntse a le pela ka.”

Diproverbia 13:14

Thuto ya ya bohlale ke sediba sa bophelo, e phemisa motho maraba a lefu.

Diproverbia 3:7

O se ipone o le bohlale, tshaba Morena, o sesefe bobe.

Diproverbia 4:24

Se bue leshano ka molomo wa hao, puo tse thetsang di se tswe ka hanong la hao.

Diproverbia 8:13

Ho tshaba Morena ke ho hloya bobe, ke hloile boikgohomoso, ke hloile le boikakaso, boitshwaro bo bobe le leshano le tsona ke di hloile.

Mattheu 5:9

Ho lehlohonolo ba bopang kgotso, hobane ba tla bitswa bana ba Modimo.

Diketso 10:38

kamoo Modimo a neng a tlotse Jesu wa Nasaretha kateng, ka Moya o Halalelang le ka matla. Jesu a tsamaya hohle a ntse a etsa tse molemo, a fodisa ba neng ba hateletswe ke Diabolosi, hobane Modimo o ne a ena le yena.

Baroma 12:18

Ha ho ka etsahala, bolokang kgotso le batho bohle, ho ya kamoo le ka kgonang kateng.

Baroma 12:9

Lerato le hloke boikaketsi. Hloyang bobe, kgomarelang botle.

Baroma 14:17

Mmuso wa Modimo hase taba ya dijo le dino, empa ke taba ya ho loka, ya ho ba le kgotso, le ya ho thabiswa ke Moya o Halalelang.

Baroma 14:19

Jwale a re habeng tsa kgotso le tsa ho matlafatsana.

2 Bakorinthe 13:11

Jwale, bana beso, ke qetela ka ho re: Thabang, phethahalang, kgothalang, ebang le maikutlo a le mang, le phele ka kgotso, mme Modimo wa lerato, le wa kgotso, o tla ba le lona.

Bagalata 6:10

Jwale he, ha re sa ntse re ena le sebaka, a re etsetseng bohle molemo, haholoholo ba lelapa la bodumedi.

1 BaThesalonika 4:11

Ikitlaeletseng ho phela ka kgotso, ho hlokomela ditaba tsa lona le ho sebetsa ka matsoho a lona, jwalokaha re le laetse.

2 Timothea 2:19

Leha ho le jwalo, motheo o tiileng, oo Modimo a o entseng, o ntse o tsitsitse, o ngotswe mantswe ana: “Morena o tseba bao e leng ba hae,” le ana: “Bohle ba rapelang Morena ba hlobohe bokgopo.”

Tite 2:14

Yena o iteletse rona, hore a tle a re lopolle bokgopong bohle, a itlhwekisetse setjhaba seo e tla ba sa hae, se tjhesehelang mesebetsi e metle.

BaHebheru 12:14

Pheellang ho phela le bohle ka kgotso le ka kgalalelo, hobane ntle ho yona ha ho ya tla bona Morena.

BaHebheru 13:16

Se lebaleng ho ba mosa le ho thusana, hobane ana ke wona mahlabelo a kgahlisang Modimo.

1 Petrose 3:11

A furalle bobe, a etse botle, a batle kgotso, a e pheelle,

3 Johanne 1:11

Motswalle, o se ke wa latela mehlala e mebe, o mpe o latele e metle. Ya etsang tse ntle ke wa Modimo; ya etsang tse mpe ha a eso ka a tseba Modimo.