Dipesaleme 32:1 - BIBELE

¹ Pesalema ya Davida. Thothokiso e nang le thuto. Ho lehlohonolo ya tshwaretsweng tlolo ya hae, eo sebe sa hae se hlakotsweng.

Sesotho 1909/1961 (SO)

¹ Ho lehlohonolo eo tshito ya hae e tshwaretsweng, eo sebe sa hae se apesitsweng!

Dipesaleme 32:1 ပူးပေါင်းရင်းမြစ်များ

2 Samuele 12:13

Davida a re ho Nathane: “Ke sitetswe Morena.” Yaba Nathane o re ho Davida: “Le Morena o hlakotse sebe sa hao; ha o na ho shwa.

Nehemia 4:5

O se ke wa ba tshwarela bokgopo ba bona, mme o se ke wa lebala dibe tsa bona, hobane ba o halefisitse kapele ho dihahi.”

Dipesaleme 103:3

Ke yena ya o tshwarelang melato ya hao kaofela, ke yena ya o fodisang mahlokong a hao kaofela.

Dipesaleme 106:3

Ho lehlohonolo ba etsang toka, ba etsang ho lokileng ka nako tsohle.

Dipesaleme 128:1

Sefela sa ho nyolohela Jerusalema. Ho lehlohonolo bohle, bohle ba tshabang Morena, ba tsamayang ditseleng tsa hae.

Dipesaleme 40:4

A etsa hore ke bine sefela se setjha, se rorisang Modimo wa rona. Ba bangata ha ba bona hona, ba tla tshaba Morena, ba mo tshepe.

Dipesaleme 42:1

Thothokiso e nang le thuto, ya bara ba Kora, e qapetsweng motsamaisi wa dibini.

Dipesaleme 45:1

Thothokiso e nang le thuto, ya bara ba Kora. Pina ya lerato. Taelo ho motsamaisi wa dibini: E binwe ka mmino wa sefela sa “Mohaladitwe”.

Dipesaleme 52:1

Pesalema ya Davida. Thothokiso e nang le thuto;

Dipesaleme 53:1

Pesalema ya Davida. Thothokiso e nang le thuto. Taelo ho motsamaisi wa dibini: E binwe ka makodilo.

Dipesaleme 55:1

Pesalema ya Davida. Thothokiso e nang le thuto. Taelo ho motsamaisi wa dibini: E binwe ka diletsa tsa dikgwele.

Dipesaleme 84:12

Morena Modimo ke qhobosheane, ke thebe ya rona, o fana ka mohau le tlotla; ha ho letho le molemo leo Morena a ka le timang ba metsamao e hlwekileng.

Dipesaleme 85:2

Morena, o ile wa kgahlwa, wa kgahlwa ke lefatshe la hao, wa kgutlisa ba leloko la Jakobo, wa ba kgutlisa bothopuweng.

Dipesaleme 89:15

Ho loka le toka ke motheo wa terone ya hao, mohau le botshepehi di o eteletse pele.

Isaia 1:18

“Tloong re lokise ditaba,” ho rialo Morena. “Leha dibe tsa lona di ka ba kgubedu, di tla sweufala jwaloka lehlwa; leha di ka ba kgubedu tlere! di tla sweufala jwaloka boya.

Isaia 43:25

Nna, nna ke inotshi, ke hlakola ditshito tsa hao, ke di hlakola ka baka la ka, ha ke sa hlola ke hopola dibe tsa hao.

Isaia 44:22

Ke hlakotse tshito tsa hao jwaloka leru, ka hlakola dibe tsa hao jwaloka mohodi, kgutlela ho nna, hobane ke o lopolotse.”

Mattheu 16:17

Jesu a mo araba, a re: “O lehlohonolo, Simone mora Jona, kahobane hase motho wa nama le madi ya o senoletseng hona, empa ke Ntate ya mahodimong.

Luka 11:28

Empa Jesu a re: “E, empa haholo ho lehlohonolo ba utlwang lentswe la Modimo, ba le boloke.”

Tshenolo 22:14

“Ho lehlohonolo ba hlatswang diaparo tsa bona, e le hore ba tle ba be le tokelo ya ho ja sefate sa bophelo, le ya ho kena motseng ka dikgoro tsa wona.