Dipesaleme 27:14 - BIBELE

¹⁴ Lebella Morena, o be sebete; tiya pelo, o lebelle Morena.

Sesotho 1909/1961 (SO)

¹⁴ O itshepele Jehova, o be matla, pelo ya hao e tiye! O itshepele Jehova.

Dipesaleme 27:14 ပူးပေါင်းရင်းမြစ်များ

Genese 49:18

“Ke lebeletse ho pholoswa ke wena, Morena.

Dipesaleme 130:5

Ke tshepile Morena, moya wa ka o tshepile lentswe la hae.

Dipesaleme 138:3

Ha ke ne ke ipiletsa ho wena o ile wa nkaraba, wa matlafatsa moya wa ka.

Dipesaleme 25:21

Ako ntshireletse hobane ke hloka kodi, ke lokile; hobane ke o lebeletse, Morena.

Dipesaleme 25:3

Bohle ba o tshepang ha ba hlajwe ke dihlong, dihlong di hlaba ba sa tshepahaleng.

Dipesaleme 31:24

Ratang Morena, lona batshepuwa bohle ba hae; Morena o baballa ba tshepahalang; baikgohomosi bona o ba nea se ba lokelang.

Dipesaleme 33:20

Meya ya rona e lebeletse Morena, e leng yena thuso le thebe ya rona.

Dipesaleme 37:34

Tshepa Morena, o tiye tseleng ya hae; o tla o phahamisa, lefatshe e tle e be lefa la hao, mme o bone ba kgopo ha ba fediswa.

Dipesaleme 37:7

Kgoba matshwafo, o lebelle Morena; o se ke wa itlhonamisa ka eo tsohle di mo atlang, e leng ya phethang merero e kgopo.

Dipesaleme 40:1

Pesalema ya Davida, e qapetsweng motsamaisi wa dibini.

Dipesaleme 62:1

Pesalema ya Davida, e qapetsweng motsamaisi wa dibini; ya Jedutune.

Dipesaleme 62:5

Ruri ba rera ho mo diha boemong ba hae bo phahameng, ba thabela leshano. Ka melomo ba hlohonolofatsa motho, empa ka dipelong ba a mo rohaka.

Diproverbia 20:22

Se ke wa re: “Bobe ke tla bo phetetsa ka bobe!” Lebella Morena, o tla o namolela.

Isaia 25:9

Ka tsatsi leo, batho ba tla re: “Ruri enwa ke Modimo wa rona, re ile ra mo tshepa, o re pholositse; enwa ke Morena, re ile ra mo tshepa, a re nyakalleng, re thabele ha a re pholositse.”

Isaia 26:8

Oho, Morena, re o emetse, re tsamaya tseleng ya dikahlolo tsa hao; lebitso la hao le botumo ba hao ke tsona tseo re di labalabelang.

Isaia 30:18

Empa Morena o rata ho le hauhela, o labalabela ho tla le rekolohela, hobane Morena ke Modimo wa toka, ho lehlohonolo bohle ba mo lebeletseng.

Isaia 40:31

empa ba tshepileng Morena ba tla tsoha molota, ba fofele hodimo jwaloka ntsu; ba tla matha, empa ba ke ke ba kgathala, ba tsamaye, ba se ke ba fellwa ke matla.

Isaia 8:17

Ha e le nna ke tshepile Morena, yena ya patileng sefahleho sa hae, a se patela ntlo ya Jakobo; ke yena eo ke tla mo lebella.

KOLI-YA-MALLA 3:26

Ho molemo ha motho a eba le letshepa, a lebella ka mamello hore Morena a mo pholose.

Habakuke 2:3

Pono ena e sa emetse nako ya yona, e haufi e phethahala, mme e ke ke ya thetsa. Leha e ka dieha, wena o e emele, e tla fela e phethahale, ha e ka ke ya dieha.

Luka 2:25

Jwale ho ne ho ena le monna Jerusalema ya bitswang Simeone. Monna eo o ne a lokile, a hlompha Modimo, a lebeletse tshediso ya Iseraele, mme Moya o Halalelang o ne o le ho yena.

Luka 2:38

A fihla ka yona nako eo, a boka Modimo, a bua ka Jesu ho bohle ba lebeletseng topollo ya Jerusalema.

Diketso 28:15

Kamorao ho moo, yare hoba badumedi ba leng Roma ba utlwele tsa rona, ba tla ho re kgahlanyetsa lebaleng la motse wa Apiuse, le moo ho thweng ke Dihoteleng tse Tharo, mme yare ha Paulosi a ba bona, a leboha Modimo, a kgoba matshwafo.

Baroma 8:25

Empa ha re tshepile ho fumana seo re esong ho be le sona, re se lebella ka mamello.

1 Bakorinthe 16:13

Fadimehang, tiyang tumelong, emang senna, matlafalang.

Baefese 3:16

Ka ho ya ka boholo ba tlotla ya hae, a ke a le ekeletse matla ka Moya wa hae le tle le matlafale bothong ba lona ba moya,

Baefese 6:10

Ke qetella ka ho re: Imatlafatseng ka matla a maholo a Morena.

BaFilipi 4:13

Nka etsa tsohle ka Kreste ya mmatlafatsang.

BaKolose 1:11

Le tla matlafatswa ka mekgwa yohle, ka matla a tswang tlotleng ya hae, hore le tle le be le tiisetso le mamello e phethehileng.