Dipesaleme 25:13 - BIBELE

¹³ Eo o tla phela ka boiketlo, lefatshe e tla ba lefa la ditloholo tsa hae.

Sesotho 1909/1961 (SO)

¹³ Moya wa hae o tla iketla lehlohonolong, ditloholo tsa hae di tla rua lefatshe.

Dipesaleme 25:13 ပူးပေါင်းရင်းမြစ်များ

Dipesaleme 112:2

Ditloholo tsa hae di tla ba matla lefatsheng, moloko wa ba pelo di ntle o tla hlohonolofala.

Dipesaleme 31:19

Ba buang leshano ba fetohe dimumu, baikakasi bana ba buang hampe ka ya lokileng, ba ikgohomosetsang yena, ba mo nyedise.

Dipesaleme 36:8

Modimo, mohau wa hao ke wa bohlokwa hakaakang! Bana ba batho ba tshabela moriting, moriting wa mapheo a hao.

Dipesaleme 37:11

Ba ikokobetsang, lefatshe e tla ba lefa la bona, ba thabele kgotso e phethehileng.

Dipesaleme 37:22

Bao Morena a ba hlohonolofaditseng lefatshe e tla ba lefa la bona; bao a ba rohakileng ba tla fediswa.

Dipesaleme 37:26

Kamehla ya lokileng o mohau, o a adimana, mme ditloholo tsa hae ke tlhohonolofatso.

Dipesaleme 37:29

Ba lokileng lefatshe e tla ba lefa la bona, ba phele ho lona kamehla le mehla.

Dipesaleme 37:34

Tshepa Morena, o tiye tseleng ya hae; o tla o phahamisa, lefatshe e tle e be lefa la hao, mme o bone ba kgopo ha ba fediswa.

Dipesaleme 37:9

Ba etsang bokgopo ba tla fediswa; empa ba tshepang Morena lefatshe e tla ba lefa la bona.

Dipesaleme 63:5

Ke tla o boka ha ke ntse ke phela, ke phahamise matsoho a ka, ke a phahamisetse ho wena.

Dipesaleme 69:36

hobane Modimo o tla pholosa Sione, a tsose metse ya Juda: hore batho ba tle ba ahe ho yona, e be lefa la bona.

Diproverbia 1:33

Ya mmamelang o tla phela a sireletsehile, a phele ka boiketlo a sa tshabe bobe.”

Diproverbia 19:23

Ho tshaba Morena ho a phedisa, ya nang le tshabo eo o tla phela ka boiketlo, bobe bo ke ke ba mo wela hodimo.

Diproverbia 20:7

Metsamao ya ya lokileng ha e na kodi, bana ba hae ba tla hlohonolofala.

Diproverbia 29:25

Ho tshaba batho ke ho itjhehela leraba, empa ya tshepang Morena o tla bolokeha.

Isaia 65:23

Ha ba ka ke ba sebeletsa lelea, kapa ba tswalla bana ba bona, ba ba tswalla ditsietsi, ke peo ya ba hlohonolofaditsweng, ba hlohonolofaditsweng ke Morena, bona mmoho le ditloholo tsa bona.

Jeremia 32:39

Ke tla se nea pelo e leng nngwe le sepheo se le seng, hore se tle se ntshabe kamehla yohle, mme sona, mmoho le ditloholo tsa sona, se fumane tse molemo.

Sofonia 3:17

Morena Modimo wa hao, o na le wena, ke senatlahadi se tla o lwanela. O tla o thabela ka nyakallo, a o rate ka lerato la sebele, a howeletse, a o hlabele medidietsane, a e hlabe sa mohla tsatsi la mokete.”

Sakaria 9:17

Ba tla kgahleha, ba be batle hakaakang! Koro e tla matlafatsa bahlankana, veine e ntjha e matlafatse barwetsana.

Mattheu 5:5

Ho lehlohonolo ba mosa, hobane lefatshe e tla ba lefa la bona.

Diketso 2:39

Tshepiso ena e etseditswe lona, le bana ba lona, le bohle ba hole, ho ya kamoo Morena Modimo wa rona a ka ba bitsang kateng.”

Deuteronoma 33:12

“Ho Benjamine a re: “ ‘Moratuwa wa Morena o tla dula ka kgotso pela hae, Radiphahama o mo sireletsa letsatsi lohle, o dula tlasa tshireletso ya hae.’

BaFilipi 4:19

Modimo wa ka o tla le sitsa ka tsohle tseo le di hlokang, ho ya ka bongata ba maruo a hae, ka Kreste Jesu.

1 Petrose 3:10

“Ya ratang ho phela, le ho bona matsatsi a thabo, a tshware leleme la hae ho bua tse mpe, le molomo wa hae ho bua thetso.

2 Petrose 3:13

Ka ho ya ka tshepiso ya Modimo, re lebeletse mahodimo a matjha le lefatshe le letjha, moo ho loka ho ahileng teng.