Dipesaleme 16:7 - BIBELE

⁷ Ke tla boka Morena, moeletsi wa ka; le bosiu pelo ya ka e a ntemosa.

Sesotho 1909/1961 (SO)

⁷ Ke rorisa Jehova, hobane e bile moeletsi wa ka; esita le ka bosiu pelo ya ka e a nkeletsa.

Dipesaleme 16:7 ပူးပေါင်းရင်းမြစ်များ

Dipesaleme 119:148

Ke lala ke fadimehile ka nako tsa bosiu, ke ntse ke nahana tshepiso ya hao.

Dipesaleme 119:55

Bosiu ke hopola lebitso la hao, lebitso la hao Morena, mme ke boloka Molao wa hao.

Dipesaleme 119:7

Ke tla o boka ka pelo e hlwekileng, ha ke se ke ithutile dikahlolo tsa hao tse lokileng.

Dipesaleme 17:3

O hlahlobile pelo ya ka, wa ntlhwela le bosiu, wa nnonya, empa ha wa fumana letho le kgopo; ha ke a bua tse mpe jwaloka ba bang.

Dipesaleme 22:2

Modimo wa ka, Modimo wa ka, o ntahletseng? O hole le ho mpholosa, ha o utlwe ho dumaela ha ka.

Dipesaleme 42:8

Bodiba bo arabela bodiba ka ho hwasa ha diphororo tsa hao, maqhubu le merallo yohle ya hao e fetile hodima ka.

Dipesaleme 63:6

Moya wa ka o tla kgora jwaloka ya jang moko le mafura, molomo wa ka o o rorise o o rorise ka dithoko tsa thabo.

Dipesaleme 73:21

Ha pelo ya ka e ne e utlwile bohloko, mme maikutlo a ka a hlabehile,

Dipesaleme 73:24

O ntsamaisa ka keletso ya hao, mme qetellong o tla nkamohela ka tlotla.

Dipesaleme 77:2

Sello sa ka se nyolohela ho Modimo, ke llela ho yena; sello sa ka se nyolohela ho Modimo, o tla ntshekehela tsebe.

Dipesaleme 77:6

Ke hopola ditshiu tsa kgale, le dilemo tse ileng ke a di hopola.

Diproverbia 8:14

Boeletsi le ho ba sedi le tsona ke tsa ka, kutlwisiso le matla le tsona ke tsa ka.

Isaia 26:9

Moya wa ka o o tsetselela bosiu, pelo ya ka le yona e o hlolohetswe haholo. Ha kahlolo tsa hao di phethwa lefatsheng, baahi ba lefatshe ba tla ithuta ho loka.

Isaia 48:17

Morena, Molopolli wa hao, Ya Halalelang wa Iseraele, o bua tjena: “Ke nna Morena Modimo wa hao, ya o rutang tse leng molemo ho wena, ya o tsamaisang tseleng e o loketseng.

Isaia 50:4

Morena Modimo o nneile leleme la barutehi, ke tle ke tsebe ho kgothatsa ba tepeletseng. Hoseng ho hong le ho hong o a ntsosa, a etse hore ke hlwaye tsebe, ke mamele jwaloka morutuwa.

Jeremia 12:2

O ba hlomile, metso ya bona e tebile; ba a mela, ba beha ditholwana. Ba bua ka wena ka molomo feela, empa pelo tsa bona tsona di hole le wena!

Jeremia 17:10

“Ke nna Morena ya lekolang dipelo, mohopolo le wona o lekolwa ke nna. Ke putsa motho ho ya ka diketso tsa hae, ho latela tholwana tsa mesebetsi ya hae.”

Luka 6:12

Matsatsing ao ha etsahala hore Jesu a tswele thabeng ho ya rapela, mme a sesa bosiu a ntse a rapela Modimo.

Tshenolo 2:23

Ke tla bolaya bana ba hae; dikereke tsohle di tla tseba hore ke nna ya bonang se ka mehopolong le ka dipelong tsa batho, mme ke putsa e mong le e mong wa lona ho ya ka mesebetsi ya hae.