Dipesaleme 144:4 - BIBELE

⁴ Motho o tshwana le lefeela, ditshiu tsa hae di jwaloka moriti o fetang.

Sesotho 1909/1961 (SO)

⁴ Motho o tshwana le pudulo, mme matsatsi a hae a ka leswiti le fetang.

Dipesaleme 144:4 ပူးပေါင်းရင်းမြစ်များ

2 Samuele 14:14

Bohle re tlameha ho shwa. Re jwaloka metsi a qhaletsweng fatshe, a ke keng a hlola a bokellwa. Le yena Modimo ha a furalle batho, empa o etsa matsapa a hore ya lelekilweng ke batho a se ke a lahlwa ke Modimo.

1 Dikronike 29:15

Mahlong a hao re baeti le bajaki, jwaloka bo-ntata rona bohle. Matsatsi a rona, lefatsheng mona, a jwaloka seriti, mme ha ho ya nang le tshepo.

Jobo 4:19

a ka tshepa jwang ba meqhemeng ya makwete, ba bopilweng ka role la lefatshe, ba phetshelwang habonolo jwaloka tshwele?

Jobo 8:9

Rona ba maobane re hloka tsebo; matsatsi a rona ho lena lefatshe a ka moriti ha o falola.

Dipesaleme 102:11

ka baka la bohale le kgalefo ya hao; hobane o ile wa mphamola, wa nto ntabanya!

Dipesaleme 109:23

Ke ikela jwaloka meriti e theang, ke fefolwa jwaloka tsie.

Dipesaleme 39:11

Mphemise dikotlo tsa hao, letsoho la hao le nqetile.

Dipesaleme 62:9

Mo tshepeng ka dinako tsohle, mo tshepeng lona tjhaba sa heso, mmuleleng difuba tsa lona. Modimo ke setshabelo sa rona.

Dipesaleme 89:47

Morena, o tla ipata ho fihlela neng? Kgalefo ya hao e tla tuka, e tuke jwaloka mollo ho fihlela neng?

Moeklesia 1:14

Ke bone mesebetsi yohle e etswang mona lefatsheng, empa kaofela ha yona ke mafeela a tshwanang le ho lelekisa moya.

Moeklesia 1:2

“Lefeela la mafeela,” ho rialo Moruti; “lefeela la mafeela, tsohle ke lefeela!”

Moeklesia 12:8

“Lefeela la mafeela,” ho rialo Moruti, “tsohle ke lefeela!”

Moeklesia 8:13

Empa ya kgopo a ke ke a phela hamonate, le matsatsi a bophelo ba hae a ke ke a lelefala jwaloka seriti, hobane yena ha a tshabe Modimo.