Dipesaleme 141:1 - BIBELE

¹ Pesalema ya Davida. Morena, ke ipiletsa ho wena, ako mpotlakele; sekehela lentswe la ka tsebe, ha ke ipiletsa ho wena.

Sesotho 1909/1961 (SO)

¹ Jehova, ke bitsa ho wena, o phakise ho tla nthusa! o sekehele lentswe la ka tsebe, ha ke bitsa ho wena!

Dipesaleme 141:1 ပူးပေါင်းရင်းမြစ်များ

Jobo 7:21

Ke hobaneng ha o sa tshwarele tshito ya ka, wa tlosa bokgopo ba ka ba fela? Haufinyane ke tla robala lebitleng; o tla mpatla, empa ke tla ba siyo.”

Dipesaleme 143:1

Pesalema ya Davida. Morena, ako utlwe thapelo ya ka, o sekehele thapedi ya ka tsebe; o nkarabe ka baka la botshepehi ba hao, le ka baka la ho loka ha hao.

Dipesaleme 143:7

Morena, ako nkarabe kapele; moya wa ka o a tepella. O se ke wa mpatela sefahleho sa hao, ke se ke ka tshwana le ba theohelang lebitleng.

Dipesaleme 22:19

ba arolelana diaparo tsa ka, ba laola aparo sa ka ka lotho.

Dipesaleme 28:2

Ako utlwe thapedi ya ka, ha ke o llela, ke phahamiseditse matsoho a ka Sehalalelong se halalelang ka ho fetisisa.

Dipesaleme 40:13

Ke aparetswe ke ditlokotsi, tlokotsi tse ke keng tsa balwa, melato ya ka e ntshwere, e ntshwere hoo ke sitwang le ho sheba, e mengata ho feta qoba tsa moriri wa ka, pelo ya ka e nyahame.

Dipesaleme 70:2

Oho, Modimo, ako ntopolle; oho, Morena, ako potlakele ho nthusa.

Dipesaleme 70:5

Bohle ba o batlang ba ke ba nyakalle, ba o thabele. Ba ratang ho pholoswa ke wena ba nne ba re: “Modimo o moholo!”

Dipesaleme 71:12

Modimo, se be hole le nna, Modimo wa ka, ako potlakele ho nthusa.