Dipesaleme 119:9 - BIBELE

⁹ Mohlankana a ka hlwekisa metsamao ya hae jwang? Ka ho hahela lentswe la hao lesaka.

Sesotho 1909/1961 (SO)

⁹ BETH. Mohlankana o tla hlwekisa metsamao ya hae jwang? Ke ha a e ela hloko ka ho e bapisa le lentswe la hao.

Dipesaleme 119:9 ပူးပေါင်းရင်းမြစ်များ

2 Dikronike 6:16

“Jwale wena Morena Modimo wa Iseraele, ako boloke tshepiso eo o neng o e etsetse mohlanka wa hao Davida, ntate, wa re: ‘O ke ke wa hloka mohlahlami ya tla dula teroneng ya Iseraele, ha feela bara ba hao ba ka hlokomela metsamao ya bona, ba latela melao ya ka jwalokaha o ile wa etsa.’

Jobo 1:5

Ha mokete o mong le o mong o ne o fedile, Jobo o ne a ye a ba bitse, a ba hlwekise, a tsohe ka madungwadungwana, a etsetse e mong le e mong wa bona nyehelo ya setjheso, hobane ka pelong ya hae o ne a ye a re: “Mohlomong bara ba ka ba ile ba sitelwa Modimo, ba mo nyefola ka dipelong tsa bona.” Jobo o ne a ye a etse hona kamehla.

Jobo 13:26

O nqosa ka tse bohloko, o nkotlela makgopo a botjha ba ka.

Dipesaleme 119:11

Ke bolokile tshepiso ya hao, ka e boloka ka pelong ya ka, hore ke se ke ka o sitelwa.

Dipesaleme 17:4

Ho ya ka mantswe a tswang molomong wa hao, ke qobile mekgwa ya dinokwane.

Dipesaleme 25:7

Nteballe dibe le ditlolo tsa botjha ba ka, nkgopole ka mohau wa hao.

Dipesaleme 34:11

Leha barui ba ka futsaneha, ba lapa, ba batlang Morena ba ke ke ba hloka, ba ke ke ba hloka letho le molemo.

Diproverbia 1:10

Mora wa ka, ha baetsadibe ba o hohela, o se ke wa ineela ho bona.

Diproverbia 1:4

Ya se nang tsebo o tla hlalefiswa ke wona, mohlankana a rue tsebo le kelello.

Diproverbia 2:11

O tla baballwa ke ho ba le kelello, kutlwisiso e o sireletse,

Diproverbia 4:1

Bana, mamelang thuto, thuto ya ntata lona, le e ele hloko, e tle le ruise kutlwisiso.

Diproverbia 7:7

Ka tadima hara ba se nang tsebo, ka bona mohlankana ya hlokang kutlwisiso,

Moeklesia 11:9

Wena mohlankana, ithabise o sa le motjha, o nyakallele matsatsi a botjha ba hao; o latele thato ya pelo ya hao, o tsamaye ho ya ka tjhadimo ya hao; feela o tsebe Modimo o tla o ahlola, a o ahlolele ketso tsohle tsa hao.

Luka 15:13

“Kamora matsatsi a se makae, mora e monyenyane a bokella tsohle, a fallela lefatsheng le hole, mme teng a hafa leruo la hae ka ho phela habohlaswa.

Johanne 15:3

Lona le se le hlwekile ka baka la lentswe leo ke le buileng ho lona.

Deuteronoma 17:18

“Ha kgosi eo e se e dutse hodima terone ya mmuso wa yona, e tle e ingolle Molao ona o bukeng e bolokilweng ke baprista ba Balevi.

2 Timothea 2:22

Phema ditakatso tsa botjha, o habe ho loka, tumelo, lerato le kgotso, mmoho le bohle ba rapelang Morena ka dipelo tse hlwekileng.

Joshua 1:7

Feela tsoha molota, o be sebete, o hlokomele ho phetha molao wohle oo mohlanka wa ka Moshe a o laetseng wona. O se ke wa o kgeloha jwang kapa jwang, e le hore o tle o atlehe hohle moo o yang teng.