Dipesaleme 119:57 - BIBELE

⁵⁷ Morena, ke itse kabelo ya ka ke ho mamela mantswe a hao ke a mamele ka hloko.

Sesotho 1909/1961 (SO)

⁵⁷ KHETH. Jehova ke kabelo ya ka; ke re ke tla boloka mantswe a hao.

Dipesaleme 119:57 ပူးပေါင်းရင်းမြစ်များ

Dipesaleme 119:106

Ke ikanne, ke eme ke tiile: Ke tla ya ka kahlolo tsa hao, kahlolo tsa hao tse lokileng.

Dipesaleme 119:115

Tlohang ho nna, lona ba etsang bobe, ke boloke melao ya Modimo wa ka.

Dipesaleme 119:2

Ho lehlohonolo ba latelang ditemoso tsa hae, ba mmatlang ka pelo tsohle tsa bona;

Dipesaleme 142:5

Ke tadima ka tsohong la ka le letona: Ha ho ya ntsotellang; ha ho moo nka tshabelang teng, ha ho motho ya nnatsang.

Dipesaleme 16:5

Morena, ke wena lefa la ka le mohope wa ka; tseo ke nang le tsona di tswa ho wena.

Dipesaleme 66:14

tseo ke di buileng ka molomo wa ka, ka di bolela ke le matshwenyehong.

Dipesaleme 73:26

Leha mmele wa ka le pelo ya ka di ka fela, Modimo ke lefika la ka le kabelo ya ka kamehla.

Jeremia 10:16

Modimo wa Jakobo yena ha a tshwane le yona, hobane ke yena Mmopi wa tsohle; o kgethile Iseraele hore e be tjhaba sa hae, Morena wa mabotho ke lona lebitso la hae.

KOLI-YA-MALLA 3:24

Ka pelong ya ka nna ke re: “Morena ke yena kabelo ya ka, kahoo ke itshepetse yena feela.”

Deuteronoma 18:2

Balevi ha ba na ho ba le lefa jwaloka bana babo bona. Morena ke yena lefa la bona, jwalokaha a buile ho wena.

Joshua 24:15

Haeba le bona hore ke ntho e mpe ho sebeletsa Morena, ikgetheleng hona kajeno hore na le tla sebeletsa mang: E ka ba medimo eo bo-ntata lona ba neng ba e sebeletsa ha ba le mose wane ho Noka, kapa medimo ya Baamore, bao le ahileng naheng ya bona. Empa ha e le nna le ba lelapa la ka re tla sebeletsa Morena.”

Joshua 24:18

Morena ke yena ya ileng a falatsa ditjhaba tsohle tse neng di le kapele ho rona, le Baamore ba neng ba ahile naheng ena. Ka baka leo, le rona re tla sebeletsa Morena, hobane ke yena Modimo wa rona.”

Joshua 24:21

Setjhaba sa re ho Joshua: “Tjhe, re tla sebeletsa Morena.”