Dipesaleme 119:32 - BIBELE

³² Ke tla matha tseleng ya melao ya hao, hobane wena o ntokolotse.

Sesotho 1909/1961 (SO)

³² Ke tla matha tseleng ya ditaelo tsa hao, ha o se o habolotse pelo ya ka.

Dipesaleme 119:32 ပူးပေါင်းရင်းမြစ်များ

Genese 26:22

A falla moo, a tjheka sediba se seng hape, empa sena ba se ke ba hlola ba se tsekisana, mme sona a se rea lebitso la Rehobote, a re: “Jwale Morena o re file sebaka, mme re tla ngatafala naheng ena.”

1 Marena 4:29

Modimo a nea Solomone bohlale bo makatsang, le kutlwisiso e makatsang, le tsebo e ngata jwaloka lehlabathe le lebopong la lewatle.

Dipesaleme 119:45

Ke tla phela ka bolokolohi, hobane ke thahasella ditaelo tsa hao.

Dipesaleme 18:36

O nnea thebe ya hao e pholosang, letsoho la hao le letona le a ntshehetsa, paballo ya hao e a nkgodisa.

Sefela sa Salomone 1:4

Nkuke ke ye le wena, re mathe mmoho, kgosi e nkise kamoreng ya yona. Re tla didietsa, re o nyakallele, re rorise rato la hao ho feta veine. Ba nepile hakaakang ha ba o duma hakaale!

Isaia 40:31

empa ba tshepileng Morena ba tla tsoha molota, ba fofele hodimo jwaloka ntsu; ba tla matha, empa ba ke ke ba kgathala, ba tsamaye, ba se ke ba fellwa ke matla.

Isaia 60:5

Tsena o tla di bona, thabo ya hao e kgaphatsehe, pelo ya hao e kokomohe ke ho nyakalla haholo. Matlotlo a lewatle e tla ba a hao, maruo a baditjhaba a tla tliswa ho wena.

Isaia 61:1

Moya wa Morena Modimo o hodima ka, hobane o ntlotseditse ho bolella mafutsana, molaetsa o molemo. O nthometse ho thoba pelo tsa ba swabileng, ho phatlalletsa bathopuwa tsa tokoloho, le hore ba tjhankaneng ba tla lokollwa;

Johanne 8:32

le tla tseba nnete, mme nnete e tla le lokolla.”

Johanne 8:36

Jwale ha Mora a le lokolla, le tla be le lokolohile ka sebele.

2 Bakorinthe 3:17

Morena ke Moya, mme moo Moya wa Morena o leng teng tokoloho e teng.

2 Bakorinthe 6:11

Bakorinthe, re buile le lona phatlalatsa, re le buletse dipelo tsa rona.

BaHebheru 12:1

Ha e le mona re aparetswe ke leru la dipaki le lekanakana, le rona a re lahleng tsohle tse re sitisang, le sebe se re kgomaretseng, mme re mathe ka tiisetso peisong eo re e beetsweng.

1 Petrose 2:16

Le phele ka bolokolohi; feela le se ke la bo sebedisa e le lesira le patang bobe, le mpe le phele le le bahlanka ba Modimo.