Dipesaleme 119:2 - BIBELE

² Ho lehlohonolo ba latelang ditemoso tsa hae, ba mmatlang ka pelo tsohle tsa bona;

Sesotho 1909/1961 (SO)

² Ho lehlohonolo ba bolokang dikeletso tsa hae, ba mmatlang ka pelo yohle ya bona,

Dipesaleme 119:2 ပူးပေါင်းရင်းမြစ်များ

1 Marena 2:3

Boloka ditaelo tsa Morena Modimo wa hao; o tsamaye ka ditsela tsa hae, o boloke ditaelo tsa hae, le melao ya hae, le dikahlolo tsa hae, le ditemoso tsa hae, jwalokaha ho ngotswe Molaong wa Moshe, e le hore o tle o atlehe dinthong tsohle tseo o di etsang, le hohle moo o yang teng.

1 Dikronike 22:19

Ka baka leo, ineeleng ho Morena Modimo wa lona, ka dipelo tsa lona, le ka meya ya lona. Emang ke hona, le hahe Sehalalelo sa Morena Modimo, e le hore areka ya selekane sa Morena, le dintho tse halalelang tsa Modimo, di tle di tliswe ka Tempeleng e tla hahelwa Morena.”

2 Dikronike 31:21

Mosebetsing o mong le o mong oo a ileng a o qala, o amanang le tshebeletso ya Tempele ya Modimo, le molao, le ditaelo, a batla Modimo wa hae, a sebetsa ka pelo yohle ya hae, mme kahoo a atleha.

Dipesaleme 105:45

hore ba tle ba boloke ditaelo, ba boloke taelo tsa hae, ba hlomphe melao ya hae. Haleluja!

Dipesaleme 119:10

Ke o batla ka pelo ya ka yohle; se ntumelle ho kgeloha, ho kgeloha melao ya hao.

Dipesaleme 119:101

Ke qobisa maoto a ka ditsela tsohle tse kgopo, ke tle ke mamele lentswe la hao ka hloko.

Dipesaleme 119:115

Tlohang ho nna, lona ba etsang bobe, ke boloke melao ya Modimo wa ka.

Dipesaleme 119:146

Ke ipiletsa ho wena, ako mpholose; ke tle ke latele ditemoso tsa hao.

Dipesaleme 119:17

Etsetsa mohlanka wa hao tse molemo, ke tle ke phele, ke mamele lentswe la hao ka hloko.

Dipesaleme 119:22

Ako tlose sekgobo le nyediso ho nna, hobane ke latela ditemoso tsa hao.

Dipesaleme 119:33

Morena, nthute ho tsamaya ho ya ka thato ya hao, ke tle ke e latele ho isa qetellong.

Dipesaleme 119:34

Nnee kutlwisiso ke tle ke hlomphe Molao wa hao, ke o boloke ka pelo ya ka yohle.

Dipesaleme 119:57

Morena, ke itse kabelo ya ka ke ho mamela mantswe a hao ke a mamele ka hloko.

Dipesaleme 119:69

Le hoja baikgohomosi ba nneta ka leshano, ke tla boloka ditaelo tsa hao, ke di boloke ka pelo ya ka yohle.

Dipesaleme 119:88

Ako nnee bophelo ka mohau wa hao, ke latele ditemoso tse tswang ho wena.

Dipesaleme 25:10

Ditsela tsohle tsa Morena ke tsa mohau le botshepehi, ho ba bolokang selekane sa hae, le ho ba bolokang ditemoso tsa hae.

Diproverbia 23:26

Mora ka, ako nnee pelo ya hao, mahlo a hao a kgahlwe, a kgahlwe ke metsamao ya ka,

Jeremia 29:13

Le tla mpatla, mme le mphumane, haeba le mpatla ka dipelo tsa lona tsohle.

Ezekiele 36:27

Ke tla le nea Moya wa ka, ke etse hore le tsamaye ho ya ka ditaelo tsa ka, le boloke melao ya ka, le e phethe.

Johanne 14:23

Jesu a mo araba, a re: “Ha motho a nthata, o tla boloka lentswe la ka, mme Ntate o tla mo rata, re tla tla ho yena, mme re dule ka ho yena.

Deuteronoma 4:29

Empa ha le le moo le tla batla Morena Modimo wa lona. Haeba le mmatla ka dipelo tsa lona tsohle, le ka moya wa lona wohle, le tla mo fumana.

Deuteronoma 6:17

Melao ya Morena Modimo wa hao, le ditemoso tsa hae, le ditaelo tsa hae, tseo a o laetseng tsona, o di boloke ka hloko.

Deuteronoma 6:5

O tla rata Morena Modimo wa hao, ka pelo ya hao yohle, le ka moya wa hao wohle, le ka matla a hao wohle.

1 Johanne 3:20

Haeba matswalo a rona a re qosa, re a tseba hore Modimo o moholo ho feta matswalo a rona, mme o tseba tsohle.